ఎంపీ విజయసాయిరెడ్డిపై పురందేశ్వరి ఫిర్యాదు,,,,,సుప్రీం కోర్టు చీఫ్ జస్టిస్‌కు లేఖ
Andhra Pradesh Telugu | Suryaa Desk | Published : Sat, Nov 04, 2023, 06:43 PM
వైఎస్సార్‌సీపీ ఎంపీ విజయసాయి రెడ్డిపై భారత ప్రధాన న్యాయమూర్తికి ఏపీ బీజేపీ అధ్యక్షురాలు దగ్గుబాటి పురందేశ్వరి ఫిర్యాదు చేశారు. ఆయన బెయిల్ రద్దు చేయాలని.. . విజయసాయి పలువురిని బెదిరిస్తూ అక్రమాలకు పాల్పడుతున్నారని లేఖలో ఆరోపిస్తున్నారు. ఉత్తరాంధ్ర వైఎస్సార్‌సీపీ ఇంఛార్జ్‌గా ఉన్న సమయంలో కడప గూండాలను దించి అక్కడ భూ ఆక్రమణలకు పాల్పడ్డారని పురందేశ్వరి పేర్కొన్నారు. వివేకానంద రెడ్డి హత్య జరిగిన సమయంలో ఆయన గుండెపోటుతో మరణించారని ప్రజలను తప్పు దోవ పట్టించారన్నారు. ఆయనపై ఉన్న కేసుల వివరాలను లేఖ ద్వారా పురందేశ్వరి ఫిర్యాదు చేశారు. విజయసాయి రెడ్డి అధికార దుర్వినియోగానికి పాల్పడుతున్నారని లేఖలో పేర్కొన్నారు. పదేళ్లుగా బెయిల్‌పై కొనసాగుతూ సీబీఐ, ఈడీ కేసుల విషయంలో విజయసాయి షరతులు ఉల్లంఘిస్తున్నారని ఆరోపించారు. ఆయనపై ఇప్పటికే 11 అభియోగాలు, పలు సెక్షన్ల కింద కేసులు ఉన్నాయని లేఖలో ప్రస్తావించారు. ఈ మేరకు లేఖతో పాటు ఐదు డాక్యుమెంట్లను కూడా పురందేశ్వరి జతచేశారు. పదేళ్లకుపైగా బెయిల్‌పై ఉన్నారు. ప్రతి కేసులోనూ విచారణ జరగకుండా ఆలస్యం చేస్తూ నిరోధిస్తున్నారు. పదే పదే వాయిదాలతో విచారణకు రాకుండా ఉంటున్నారు అని ఆమె లేఖలో పేర్కొన్నారు.
|
|