అన్నవరం ఆలయంలో పాలకమండలి సమావేశం,,,,వ్రతం టికెట్ ధరను పెంచుతూ నిర్ణయం
Andhra Pradesh Telugu | Suryaa Desk | Published : Sat, Nov 04, 2023, 08:32 PM
అన్నవరం వెళ్లే భక్తులకు ముఖ్యగమనిక..పాలకమండలి కీలక నిర్ణయాలు తీసుకుంది. అభివృద్ధి పనులపై ఈవో ఆజాద్‌, సభ్యులు చర్చించారు.. అనంతరం 2023-24 సప్లిమెంటరీ బడ్జెట్‌కు ఆమోదం తెలిపారు. పలు అభివృద్ధి పనుల టెండర్లు, అంచనాలకు ఆమోదం తెలిపారు. దాత సహకారంతో అనివేటి మండపంలో బంగారు తాపడంతో ధ్వజస్తంభం ఏర్పాటుకు తీర్మానం చేశారు. అన్నవరం దేవస్థానం రూ.800 వ్రత టికెట్టును రూ.వెయ్యికి పెంచుతూ ధర్మకర్తల మండలి నిర్ణయం తీసుకుంది.
కార్తిక మాసంలో సత్యదేవుని దర్శనానికి వచ్చే భక్తులకు ఇబ్బందులు లేకుండా అన్ని చర్యలు తీసుకుంటున్నామన్నారు అన్నవరం ఆలయ ఈవో ఆజాద్‌ తెలిపారు. భక్తుల రద్దీ, ఉత్సవాల నిర్వహణపై వివిధ శాఖల అధికారులతో సమన్వయ సమావేశం నిర్వహించారు. నీటిపారుదల, విద్యుత్తు, వైద్య, ఆరోగ్య, అగ్నిమాపక, మత్స్య, ఆర్టీసీ తదితరులు పాల్గొని పలు అంశాలపై చర్చించారు. కార్తీక మాస పర్వదినాల్లో ఏరోజు ఎందరు భక్తులు వస్తారో అంచనా వేసి అనుగుణంగా ఏర్పాట్లు చేస్తున్నారు.
డిసెంబరు 4న సత్యదీక్ష విరమణ రోజున మాలధారణ చేసిన భక్తులంతా గిరిప్రదక్షిణ చేసేలా ప్రణాళిక రూపొందించామన్నారు. తెప్పోత్సవం రోజున, గిరిప్రదక్షిణ సమయంలో భద్రత, ట్రాఫిక్‌ మళ్లింపు, బారికేడ్ల ఏర్పాటు, తెప్పోత్సవంలో హంసవాహనం పంపా సరోవరంలో విహరించే సమయంలో తీసుకోవాల్సిన జాగ్రత్తలు తదితర అంశాలపై చర్చించారు.
|
|