జడ్జిపై వ్యాఖ్యల కేసులో,,,,మాజీ ఎమ్మెల్సీ వెంకన్నకు నోటీసులు
Andhra Pradesh Telugu | Suryaa Desk | Published : Sat, Nov 04, 2023, 09:10 PM
టీడీపీ నేత, మాజీ ఎమ్మెల్సీ బుద్దా వెంకన్నకు సీఐడీ అధికారులు నోటీసులు అందజేశారు. న్యాయమూర్తులను దూషించారన్న అభియోగాలపై ఈ నోటీసులు అందజేశారు. స్కిల్‌ డెవల్‌పమెంట్‌ కార్పొరేషన్‌ కేసులో చంద్రబాబు అరెస్టు తర్వాత సోషల్ మీడియాలో న్యాయమూర్తులపై అనుచిత వ్యాఖ్యలు చేశారని.. దీనిపై చర్యలు తీసుకోవాలని హైకోర్టులో పిటిషన్‌ దాఖలైంది. దీనిపై తగు చర్యలు తీసుకోవాలని పోలీసు శాఖను హైకోర్టు ఆదేశించింది. ఈ క్రమంలో హైదరాబాద్‌లో ఉన్న బుద్దా వెంకన్న వద్దకు వెళ్లి సీఐడీ అధికారులు నోటీసులు అందజేశారు. నోటీసులకు వెంటనే తగిన సంజాయిషీ ఇవ్వాలని ఆదేశించారు. టీడీపీ అధినేత చంద్రబాబును సీఐడీ అరెస్ట్ చేసింది. ఆ తర్వాత కోర్టులో హాజరుపర్చగా జ్యుడిషయల్ రిమాండ్ విధించారు. అయితే ఆ తర్వాత రిమాండ్ విధించిన జడ్జిపై సోషల్ మీడియాలో అనుచితంగా పోస్టులు పెట్టారు. ఈ క్రమంలో ఏపీకి చెందిన ఓ లాయర్ రాష్ట్రపతికి ఫిర్యాదు చేయగా.. వెంటనే చర్యలు తీసుకోవాలని సీఎస్ జవహర్‌రెడ్డికి రాష్ట్రపతి భవన్ నుంచి ఆదేశాలు వచ్చాయి. దీంతో ఏపీ హైకోర్టులో దాఖలు కాగా.. విచారణ జరిగింది. దీంతో కోర్టు నోటీసులు జారీ చేసి విచారణ చేయాలని ఆదేశించింది. ఈ కేసులో బుద్దా వెంకన్న పేరు కూడా ఉండటంతో సీఐడీ నోటీసులు జారీ చేసింది.
|
|