పోయిందనుకున్న చైన్ దొరికింది,,,,ఈ యువకుడు చాలా లక్కీ

బస్సు ప్రయాణాలు చేసే సమయంలో కొందరు ప్రయాణికులు కంగారుపడుతుంటారు. చివరి నిమిషంలో బస్సెక్కడం.. దిగాల్సిన చోటు మర్చిపోయి.. మరో స్టాప్‌లో దిగిపోవడం వంటి ఘటనలు మనం నిత్యం చూస్తూనే ఉంటాం. ప్రయాణికులు ఇలా బస్సు దిగే క్రమంలో బ్యాగులు, విలువైన వస్తువుల్ని వదిలేసి వెళ్లిన సందర్భాలు చాలానే ఉన్నాయ. తాజాగా శ్రీకాకుళం జిల్లాలో కూడా అదే జరిగింది. ఓ ప్రయాణికుడు బస్సులో తన గోల్డ్ చైన్‌‌ను పోగొట్టుకున్నాడు. అయితే బస్సులో చైన్ దొరకగా.. కండక్టర్ నిజాయితీ తీసుకొచ్చి అప్పగించారు.

శ్రీకాకుళం డిపోకు చెందిన శ్రీకాకుళం - విశాఖ పల్లెవెలుగు బస్సు విశాఖపట్నంలో బయలుదేరి శ్రీకాకుళం వచ్చింది. అందులో ప్రయాణించిన శ్రీకాకుళంకు చెందిన ఓ యువకుడు తన రెండు తులాల బంగారు గొలుసును జార విడుచుకున్నాడు. ఈ విషయాన్ని గమనించకుండా శ్రీకాకుళంలో బస్సు దిగి వెళ్లిపోయాడు. కండక్టర్‌ జీ జీ రావు ప్రయాణికుడు కూర్చున్న సీటు కింద బంగారు గొలుసు చూశాడు. ఆ గొలుసును తీసి జాగ్రత్త చేశాడు.

వెంటనే ఒకటో డిపో మేనేజరు మల్లికార్జునరాజుకు గొలుసును దానిని అప్పగించాడు. ఇంటికి వెళ్లి చూసుకున్న ప్రయాణికుడు బంగారు గొలుసు కనిపించకపోవడంతో డిపో మేనేజరుకు ఫోన్‌ చేశారు. తమ వద్దనే ఉందని రావాలంటూ సూచించారు. ప్రయాణికుడికి కండక్టర్‌ జీజీ రావు చేతుల మీదుగా గొలుసును అప్పగించారు. బస్సులో గొలుసును జార విడుడుచుకుని గమనించలేదని ప్రయాణికుడు చెబుతున్నాడు. గొలుసును తీసుకొచ్చి తిరిగి అప్పగించిన ఓ కండక్టర్‌ నిజాయతీపై అధికారులు ప్రశంసించారు. కండక్టర్‌కు ప్రయాణికుడు ధన్యవాదాలు తెలిపాడు.