అమెరికాలో ఘోర ప్రమాదం.. వైసీపీ ఎమ్మెల్యే బంధువులు ఐదుగురు మృతి
Andhra Pradesh Telugu | Suryaa Desk | Published : Wed, Dec 27, 2023, 06:37 PM
అమెరికాలో జరిగిన రోడ్డు ప్రమాదంలో ఐదుగురు తెలుగువాళ్లు ప్రాణాలు కోల్పోయారు. టెక్సాస్‌లోని జాన్సన్ కౌంటీలో మంగళవారం రోజు హైవే 67పై జరిగిన దుర్ఘటనలో ఆరుగురు మృతి చెందగా ముగ్గురు తీవ్రంగా గాయపడ్డారు. మృతి చెందిన ఆరుగురిలో తూర్పు గోదావరి జిల్లా ముమ్మిడివరం ఎమ్మెల్యే పొన్నాడ పొన్నాడ సతీష్‌ చిన్నాన్న నాగేశ్వరరావు కుటుంబంగా గుర్తించారు. రోడ్డు ప్రమాదంలో పొన్నాడ నాగేశ్వరరావు, భార్య సీతామహాలక్ష్మి, కుమార్తె నవీన గంగ, మనవడు, మనవరాలు మృతి చెందగా.. ఆయన అల్లుడు లోకేశ్‌కు తీవ్రగాయాలయ్యాయి. క్రిస్మస్ సందర్భంగా టెక్సాస్ నుంచి అట్లాంటా వెళ్తుండగా ఈ ప్రమాదం జరిగింది. మృతులను, క్షతగాత్రులను ఫోర్ట్‌వర్త్ ఆసుపత్రికి తరలించి చికిత్స అందిస్తున్నారు. వీరికి తానా ట్రెజరర్ కొల్లా అశోక్‌బాబు, ఫౌండేషన్ ట్రెజరర్ పోలవరపు శ్రీకాంత్ సంస్థ తరఫున అవసరమైన సాయాన్ని అందిస్తున్నారు. ఈ ప్రమాదానికి సంబంధించిన పూర్తి వివరాలు తెలియాల్సి ఉంది.
|
|