ట్రెండింగ్
చంద్రబాబు ఎవరికి ఏం చేశారని కదలిరావాలి ?
Andhra Pradesh Telugu | Suryaa Desk | Published : Sat, Jan 06, 2024, 12:39 PM
అధికారం పోతే మాత్రం చంద్రబాబు పల్లకీ మోయడానికి అందరూ కదలిరావాలా..? మాజీ మంత్రి పేర్ని వెంకట్రామయ్య (నాని) ప్ర‌శ్నించారు. చంద్రబాబు ఎవరికి ఏం చేశారని కదలిరావాలి అంటూ ఎద్దేవా చేశారు. ప్రజలు ఎందుకు రావాలో చంద్రబాబు చెప్పలేదన్నారు. ఎంతసేపు సీఎం వైయ‌స్ జగన్‌ను దూషించడమే చంద్రబాబు పని అంటూ మండిపడ్డారు. చంద్రబాబు అధికారంలో ఉన్నప్పుడు కనిగిరి గుర్తుకు రాలేదా? 14 ఏళ్ల పాలనలో గ్రామాల్లో ఒక్క ఆఫీస్‌ అయినా చంద్రబాబు కట్టారా?. చంద్రబాబు పాలనలో ఖర్చులు తగ్గించి ఆదాయం పెంచారా?. చంద్రబాబు ఇంటికో ఉద్యోగం ఇస్తామని చెప్పారు. ఎన్ని ఉద్యోగాలు ఇచ్చారో చెప్పాలి. అధికారంలో ఉన్నప్పుడు ప్రజలకు చంద్రబాబు, పవన్‌ చేసిందేమీ లేదు. ఇప్పుడు అధికారంలోకి వస్తే ఏదో చేస్తామని చెప్తుతున్నారు అంటూ పేర్ని నాని ధ్వజమెత్తారు.
|
|