ఏపీ ప్రభుత్వం శుభవార్త ,,,ఇవాళ కూడా పింఛన్లను పంపిణీ

ఏపీలో పింఛన్లు తీసుకునేవారికి ముఖ్యమైన గమనిక. ఎవరికైనా పింఛన్ అందకపోతే టెన్షన్ అవసరం లేదంటోంది ప్రభుత్వం. మరో రోజు కూడా పింఛన్ పంపిణీ చేస్తున్నట్లు అధికారులు తెలిపారు. వాస్తవానికి జనవరి నెల నుంచి పింఛన్ డబ్బులు రూ.2,750 నుంచి రూ.3వేలకు పెరిగిన సంగతి తెలిసిందే. ఈ నెల 8 వరకు పింఛన్లు పంపిణీ చేయాలని నిర్ణయించారు.. కానీ మరో రెండు రోజుల పాటూ పొడిగిస్తూ నిర్ణయం తీసుకున్నారు. అయితే ఈ నిర్ణయం వెనుక కూడా ఓ కారణం ఉంది.

ఆంధ్రప్రదేశ్ ప్రభుత్వం అర్హులైన ప్రతి ఒక్కరికి ప్రభుత్వ పథకాలు అందించాలని భావిస్తోంది. ఈ క్రమంలో ఏదైనా కారణంతో లబ్ధి అందని వారికి మరో అవకాశం కల్పిస్తున్న సంగతి తెలిసిందే. ప్రతి ఏటా రెండుసార్లు.. జనవరి, జూన్‌లో అందించిన పథకాలకు సంబంధించి.. ఒకవేళ ఏదైనా కారణంతో జూన్, జులై.. జులై నుంచి డిసెంబర్ వరకు అందించిన పథకాలకు సంబంధించి మిగిలినవారికి డిసెంబర్, జనవరిలో డబ్బులు జమ చేస్తున్నారు. ఈ క్రమంలో గత శుక్రవారం మిగిలిపోయిన వారికి డబ్బుల్ని అకౌంట్‌లో జమ చేశారు. వీరిలో కొత్తగా (ఆగస్టు 2023 - డిసెంబర్ 2023 వరకు) అర్హులైన మరో 1,17,161 మందికి పింఛన్లు కూడా అందజేస్తున్నారు.

ఈ లక్షా 17వేల 161మందికి కూడా పింఛన్లు అందించాల్సి ఉంటుంది. అందుకే ప్రభుత్వం పింఛన్ల పంపిణీని జనవరి 10 వరకు పొడిగించింది. గడువు జనవరి 8తో ముగియగా.. ఈ నెల 10 వరకు పొడిగించారు. ఇవాళ్టితో పింఛన్లను పూర్తి అందించాలని వాలంటీర్లను ప్రభుత్వం ఆదేశించింది. గత నెలలో కూడా వర్షాల కారణంగా పింఛన్లు పంపిణీ చేసే కార్యక్రమాన్ని పొడిగించిన సంగతి తెలిసిందే. తుఫాన్ ప్రభావం ఏపీపై చూపించడంతో వాలంటీర్లు ఆయా ప్రాంతాల్లో సహాయక చర్యల్లో బిజీగా ఉన్నారు.. దీంతో ప్రభుత్వం పింఛన్ల పంపిణీకి గడువు పెంచింది. వాస్తవానికి ప్రతి నెలా ఒకటి, రెండు తేదీల్లోనే పింఛన్ల పంపిణీ ఎక్కువశాతం పూర్తవుతుంది.. ఒకవేళ ఎక్కడైనా ఎవరైనా పింఛన్లు తీసుకోనివారికి మాత్రం కాస్త సమయం ఇస్తున్నారు.