ఏపీ సమాచార హక్కు కమిషనర్ల నియామకం.. ఆ ముగ్గురికి ఛాన్స్
Andhra Pradesh Telugu | Suryaa Desk | Published : Sat, Feb 24, 2024, 08:25 PM
సమాచార హక్కు చట్టం (ఆర్టీఐ) కమిషనర్‌గా డాక్టర్‌ అల్లారెడ్డి ఉదయ్ భాస్కర్‌రెడ్డిని నియమిస్తూ రాష్ట్ర ప్రభుత్వం గెజిట్‌ జారీ చేసింది. బాధ్యతలు స్వీకరించిన నాటి నుంచి ఆయన మూడేళ్లపాటు ఈ పదవిలో ఉంటారని పేర్కొంది. ఇదివరకే ఆర్టీఐ కమిషనర్లుగా రెహానా బేగం, చావలి సునీల్‌ల నియామకానికి సంబంధించి గురువారం ఉత్తర్వులను జారీ చేసిన ప్రభుత్వం.. తాజాగా వాటిని గెజిట్‌లో పెట్టింది. ఆంధ్రప్రదేశ్ విభజన జరిగిన తర్వాత తొలి మహిళా ఆర్టీఐ కమిషనర్‌గా రెహానా బేగంను నియమించడం గమన్హారం. రెహానా బేగం గతంలో పలు మీడియా సంస్థల్లో రిపోర్టర్‌గా పని చేశారు.
ఇటీవల సచివాలయంలో ముఖ్యమంత్రి వైఎస్ జగన్‌ ఆధ్వర్యంలో కమిటీ సమావేశమైంది. ఆర్టీఐ కమిషనర్లుగా ఉదయ్, రెహానా, సునీల్‌లలను కమిటీ ఎంపిక చేసింది.. వీరి పేర్లను ఆమోదం కోసం గవర్నర్‌కు పంపించారు. అక్కడ గ్రీన్ సిగ్నల్ వచ్చిన తర్వాత నియామకం జరిగింగి. సమాచార హక్కు చట్టం అమలును సమచార హక్కు కమిషనర్లు పర్యవేక్షిస్తారు.
|
|