ట్రెండింగ్
సీఎం హోదాలో తొలిసారిగా ఏపీకి రేవంత్ రెడ్డి.. విశాఖ కాంగ్రెస్ సభకు హాజరు
Andhra Pradesh Telugu | Suryaa Desk | Published : Sat, Mar 16, 2024, 07:13 PM
తెలంగాణ సీఎం రేవంత్ రెడ్డి ముఖ్యమంత్రి హోదాలో తొలిసారిగా ఏపీలో పర్యటించారు. కాంగ్రెస్ పార్టీ ఆధ్వర్యంలో న్యాయసాధన సభ పేరుతో విశాఖపట్నంలో జరుగుతున్న బహిరంగసభకు రేవంత్ రెడ్డి హాజరయ్యారు. సేవ్ విశాఖ- సేవ్ స్టీల్ ప్లాంట్ నినాదంతో ఏపీ కాంగ్రెస్ పార్టీ ఈ సభను నిర్వహిస్తోంది. విశాఖలోని తృష్ణా మైదానంలో జరుగుతున్న ఈ సభకు రేవంత్ రెడ్డితోపాటుగా కాంగ్రెస్ పార్టీ ముఖ్యనేతలు హాజరయ్యారు. ఈ సభలోనే స్టీల్ ప్లాంట్ మీద కాంగ్రెస్ పార్టీ డిక్లరేషన్ విడుదల చేయనుంది. మరోవైపు ఈ సభలో రేవంత్ రెడ్డి ప్రసంగం ఎలా ఉంటుందనేది ఆసక్తికరంగా మారింది. ఏపీలో ఎన్నికలు సమీపిస్తున్న తరుణంలో చంద్రబాబు, వైఎస్ జగన్‌లను ఉద్దేశించి ఆయన ఏం మాట్లాడతారు అనేది ఆసక్తికరంగా మారింది.
|
|