ట్రెండింగ్
టీడీపీ పొత్తులు బహిరంగం - జగన్ రెడ్డివి చీకటి ఒప్పందాలు
Andhra Pradesh Telugu | Suryaa Desk | Published : Wed, Mar 20, 2024, 06:42 PM
టీడీపీ అధినేత చంద్రబాబును రాజకీయ వికలాంగుడంటూ మంత్రి పెద్దిరెడ్డి రామచంద్రా రెడ్డి చేసిన వ్యాఖ్యలపై ఏపీ టీడీపీ చీఫ్ కింజరాపు అచ్చెన్నాయుడు తీవ్ర స్థాయిలో మండిపడ్డారు. బుధవారం మీడియాతో మాట్లాడుతూ.. పెద్దిరెడ్డి నోరు అదుపులో పెట్టుకోవాలన్నారు. చంద్రబాబు రాజకీయ వికలాంగుడంటూ చేసిన వ్యాఖ్యలను వెనక్కు తీసుకోవాలని డిమాండ్ చేశారు. పెద్దిరెడ్డి అధికారమదంతో కన్నూమిన్నూ కానకుండా మాట్లాడుతున్నారన్నారు. మాఫియాల పొత్తు లేకుండా పెద్దిరెడ్డి నిలబడగలడా అని ప్రశ్నించారు. స్వేచ్ఛగా పోలింగ్ జరిగితే పుంగనూరులో పెద్దిరెడ్డి ఓటమి ఖాయమన్నారు. టీడీపీ పొత్తులు బహిరంగం - జగన్ రెడ్డివి చీకటి పొత్తులంటూ వ్యాఖ్యలు చేశారు. ఓటమి భయంతోనే పెద్దిరెడ్డి మతిభ్రమించి మాట్లాడుతున్నారన్నారు. వచ్చే ఎన్నికల్లో వైసీపీకి ఘోర పరాజయం తప్పదని అచ్చెన్నాయుడు వ్యాఖ్యలు చేశారు.
|
|