ఎలుకను టేబుల్ ఫ్యాన్కు వేలాడదీసి థర్డ్ డిగ్రీ.. ఎవుడ్రా నువ్వు, ఎలుకల పాలిట సింహస్వప్నంలా ఉన్నావ్
Andhra Pradesh Telugu | Suryaa Desk | Published : Wed, Mar 20, 2024, 07:53 PM
సోషల్ మీడియాలో రోజూ నవ్వు తెప్పించే వీడియోలనూ చూస్తుంటాం. కొన్ని వీడియోలు పక్కా కమర్షియల్గా వ్యూస్ కోసం చేస్తుంటే.. కొన్ని మాత్రం వాస్తవికతకు కనిపిస్తుంటాయి. కొందరు మాత్రం తమకు వచ్చిన కష్టాలతో పాటూ ఫ్రస్టేషన్ను కూడా వీడియాల ద్వారా తెలియజేస్తుంటారు. ఆ ప్రయత్నంలో కొన్ని వీడియోలు నవ్వు తెప్పిస్తుంటాయి. ఫ్రస్టేషన్కు తోడు కామెడీ కూడా కలిస్తే ఎలా ఉంటుంది.. తాజాగా సోషల్ మీడియాలో వైరల్ అవుతున్న ఎలుకపై రివేంజ్ వీడియోలా ఉంటుంది. ఎలుక ఏంటి?.. దానిపై రివేంజ్ ఏంటి? అనుకుంటున్నారా.
సోషల్ మీడియాలో ఓ వీడియో వైరల్ అవుతోంది. ఓ యువకుడు ఎలుకతో మాట్లాడుతూ కనిపించాడు. యువకుడి బ్లూ టూత్ సెట్ వైర్ను ఎలుక కొరికేసింది.. కష్టపడి ఆ ఎలుకను పట్టుకుని ఓ ఫ్యానుకు బంధించాడు. తన ఫ్రస్టేషన్ మొత్తాన్ని ఆ ఎలుకపై చూపించాడు. 'బ్లూటూత్ మొత్తం కొరికావ్.. నువ్వు కొరికిందే.. 2వేల రూపాయలు. అరకేజీ టమాటాలు తిన్నావ్ నేను ఫీలవ్వలేదు.. నీకు ఇష్టమైన కూరగాయలన్నీ తిన్నావ్ ఫీలవ్వలేదు.. బుక్స్ తిన్నావ్, బట్టలు తిన్నావ్ ఫీలవ్వలేదు.. ఈ బ్లూ టూత్ ఏం చేసిందే' అంటూ ఎలుకను ప్రశ్నించాడు.
'టమాటాలు తిన్నావంటే నీ కడుపు నిండుతుంది.. బ్లూ టూత్ ఏం చేసింది.. దీన్ని తింటే నీకు ఏం వస్తది.. వీళ్లు ఏం చేస్తారులే అనేగా.ఈరోజు నిన్ను వదిలేస్తే రేపు వెళ్లి నీ ఫ్రెండ్స్కు చెప్తావ్.. ఈసారి మీరందరి కలిసి నన్ను తినేస్తారు. ఈ బ్లూటూత్ నాది కాదు నా ఫ్రెండ్ది.. రెండు రోజులు వాడుకోమని ఇచ్చాడు.. నువ్వు కొరికేశావ్. ఇప్పుడు వాడికి నేను రెండు వేలు కట్టాలి.. నీ అమ్మ మొగుడు ఇస్తాడా.. ఎవరిస్తారు ఈ డబ్బులు.. నీ ఫ్రెండ్స్ ఇస్తారా ఆ డబ్బులు ఇస్తేనే నిన్ను వదులుతా' అంటూ ఆ యువకుడు ఎలుకపై ఆగ్రహం వ్యక్తం చేశాడు.
సోషల్ మీడియాలో ఈ వీడియో వైరల్ అవుతోంది.. అయితే ఈ ఘటన ఎక్కడ జరిగింది అనేది క్లారిటీ లేదు. వీడియోలో మాట్లాడిన వ్యక్తి మాటల్ని బట్టి ఉత్తరాంధ్రకు చెందిన వ్యక్తిగా భావిస్తున్నారు. ఈ వీడియోను కొందరు నెటిజన్లు ట్వీట్ చేశారు. ఒరేయ్ ఎవడ్రా నువ్వు.. ఇంత టాలెంట్ గా ఉన్నావు'అంటూ సరదాగా కామెంట్స్ చేస్తున్నారు. కొందరు ఆ ఎలుకను RRR సినిమాలో జూనియర్ ఎన్టీఆర్ను కట్టేసినట్లుగా.. ఫ్యాన్కు కట్టేశారంటూ పోల్చేస్తున్నారు. మొత్తానికి ఈ వీడియో సోషల్ మీడియాలో చక్కర్లు కొడుతోంది. అయితే కొందరు మాత్రం ఎలుకను అలా బంధించి టార్చర్ చేయడం సరికాదనే అభిప్రాయాలను వ్యక్తం చేస్తున్నారు. జీవ హింస పాపం అని.. ఆ ఎలుకను వదిలేయాలన్నారు. అదే ఎలుక ఆ బ్లూ టూత్ వైర్ను డ్యామేజ్ చేసిందని.. నమ్మకం ఏంటని ప్రశ్నిస్తున్నారు.
|
|