ఏపీలో రైలు ప్రయాణికులకు శుభవార్త.. మరో ప్రత్యేక రైలు, ఈ స్టేషన్లలో ఆగుతుంది
Andhra Pradesh Telugu | Suryaa Desk | Published : Mon, Apr 08, 2024, 06:21 PM
ఏపీలో ప్రయాణికులకు రైల్వేశాఖ శుభవార్త చెప్పింది. ప్రయాణికుల రద్దీని దృష్టిలో ఉంచుకుని విజయవాడ-హుబ్లీ-విజయవాడ మధ్య నడిచే ప్రత్యేక రైలును గుంటూరు మీదుగా నడుపుతున్నట్లు అధికారులు తెలిపారు. ఈ రైలు(07001) ఈనెల 10వ తేదీన విజయవాడలో 14.30 గంటలకు బయలుదేరి గుంటూరు 15.30 (మధ్యాహ్నం 3.30), నరసరావుపేట 16.16 (సాయంత్రం 4.16), వినుకొండ 17.03 (సాయంత్రం 5.03)లకు చేరుకుంటుంది.. హుబ్లీ మరుసటిరోజు 07.10 గంటలకు చేరుతుంది. ఈ రైలు(07002) తిరుగు ప్రయాణంలో ఈనెల 11వ తేదీన హుబ్లీలో 09.25 గంటలకు ప్రారంభమై వినుకొండ 21.43 (రాత్రి 9.43), నరసరావుపేట 22.10 (రాత్రి 10.10), గుంటూరు 23.35 (11.35), విజయవాడ 1.00 గంటలకు వస్తుంది. ప్రయాణికులు ఈ విషయాన్ని గమనించాలని రైల్వే అధికారులు సూచించారు.
మరో ఆరు వేసవి ప్రత్యేక రైళ్లను పొడిగిస్తున్నట్లు దక్షిణ మధ్య రైల్వేశాఖ తెలిపింది. కాచిగూడ నుంచి తిరుపతికి వెళ్లే ప్రత్యేక రైలు (07653 ) ప్రతి గురువారం మే 1 వరకు ప్ర‌యాణిస్తోంది. ఇక, ప్రతి శుక్రవారం తిరుపతి-కాచిగూడ ట్రైన్ (07654 ) మే 2 వరకు నడుస్తోంది. అంతేకాదు శనివారం సికింద్రాబాద్‌-నర్సాపూర్ వెళ్లే ప్రత్యేక ట్రైన్ (07170) ఏప్రిల్‌ 27 వరకు పొడిగించింది. నర్సాపూర్-సికింద్రాబాద్‌ రైలు (07169) ప్రతి ఆదివారం ఏప్రిల్‌ 28 వరకు రైల్వేశాఖ పొడిగించింది.
|
|