ట్రెండింగ్
అనుమానాస్పదంగా వ్యక్తి ఆత్మహత్య
Andhra Pradesh Telugu | Suryaa Desk | Published : Sat, May 25, 2024, 06:49 PM
శ్రీకాకుళం జిల్లా, వజ్రపుకొత్తూరు పరిధిలోని వెంకటాపురం గ్రామ సమీపంలో గల జీడితోటలో గుర్తుతెలియని యువకుడు చెట్టుకు ఉరి వేసుకుని ఆత్మహత్యకు పాల్పడినట్టు ఎస్‌ఐ సీహెచ్‌ రామారావు చెప్పారు. గురువారం రాత్రి ఈ ఘటన జరిగి ఉంటుందని చెప్పారు. ఎస్‌ఐ అందించిన వివరాలు మేరకు.. మృతుడు తెల్లటిచారల టీ-షర్టు, నిక్కరు వేసుకొని ఉన్నాడు. అతని పాకెట్‌లో లభించిన ఐడీ కార్డు ప్రకారం అతడి పేరు గొర్లె ఉమామహేశ్వరరావు (26)గా ఉంది. అలాగే నావల్‌ డాక్‌యార్డ్‌లో పనిచేస్తున్నట్టు చెప్పారు. అయితే ఈ వ్యక్తి ఈ ప్రాంతానికి చెందినవాడిగా ఉండొచ్చని స్థానికులు అను మానాలు వ్యక్తం చేస్తున్నారు. శవపంచనామా నిర్వహించి పోస్టుమార్టం నిమిత్తం ప్రభుత్వాసుపత్రికి తరలించినట్టు ఎస్‌ఐ చెప్పారు. ఇతడి వివరాలు తెలిసినవారు వజ్రపుకొత్తూరు పోలీస్‌ స్టేషన్‌ పోలీసు స్టేషన్‌లో సంప్రదించాలని ఎస్‌ఐ కోరారు.
|
|