ఏపీకి మరో శుభవార్త.. విశాఖకు మరో దిగ్గజ ఐటీ కంపెనీ
Andhra Pradesh Telugu | Suryaa Desk | Published : Fri, May 31, 2024, 07:58 PM
ఆంధ్రప్రదేశ్‌కు ఐటీ రాజధానిగా ఉన్న విశాఖపట్నంకు మరో దిగ్గజ కంపెనీ రాబోతున్నట్లు సోషల్ మీడియాలో చర్చ జరుగుతోంది. ప్రముఖ ఐటీ కంపెనీ క్యాప్‌జెమినీ విశాఖపట్నంకు రాబోతున్నట్లు తెలుస్తోంది. ఈ మేరకు విశాఖలో వర్క్ ప్లేస్ లోకేషన్ విస్తరణకు ఉద్యోగుల నుంచి అభిప్రాయాలను (సర్వే ద్వారా) తీసుకుంటున్నట్లు తెలుస్తోంది. ఈ మేరకు ఎక్స్ (ట్విట్టర్‌)లో కొందరు ట్వీట్ చేశారు. క్యాప్‌జెమినీ ఇప్పటికే ఆంధ్రప్రదేశ్ ప్రభుత్వంతో టచ్‌లో ఉందని.. విశాఖపట్నంలో కంపెనీ కొత్త డెవలప్‌మెంట్ సెంటర్ ఏర్పాటుకు సంబంధించి లోకేషన్ ఫైనల్ చేసే పనిలో ఉన్నట్లు చెప్పుకొచ్చారు. అయితే క్యాప్‌జెమినీ సంస్థ.. వర్క్ ప్లేస్ లోకేషన్‌పై అధికారికంగా ప్రకటన చేయాల్సి ఉంది.
విశాఖపట్నంలో ఇప్పటికే పలు దిగ్గజ కంపెనీలు ఏర్పాటయ్యాయి. సాగరతీర నగరం నుంచి కార్యాకలాపాలు నిర్వహిస్తున్నాయి. మరికొన్ని కంపెనీలు కూడా విశాఖలో ఏర్పాటు చేయడానికి ఆసక్తిగా ఉన్నాయి. కొన్ని పెంనీలు ఆయా లోకేషన్లలో వర్క్ ప్లేస్ సెంటర్లను ఏర్పాటు చేసేందుకు ముందుకు వస్తున్నాయి.. క్యాప్‌జెమినీ కూడా అలాగే విశాఖలో ఏర్పాటుకు సిద్ధమవుతున్నట్లు తెలుస్తోంది. క్యాప్‌జెమినీ విశాఖతో పాటూగా దేశవ్యాప్తంగా పలు నగరాల్లో ఈ సెంటర్లను ఏర్పాటు చేసేందుకు ప్లాన్ చేస్తోంది.
|
|