ద్విచక్రవాహనాలు ఢీకొని గాయాల పాలైన యువకులు
Andhra Pradesh Telugu | Suryaa Desk | Published : Sat, Jun 01, 2024, 05:23 PM
రోడ్డు ప్రమాదంలో నలుగురు గాయపడగా ఇద్దరి పరిస్థితి విషమంగా ఉంది. ఈ ఘటన భోగాపురం మండలంలో శుక్రవారం చోటు చేసుకుంది. దీనికి సంబంధించి స్థానికులు, సీఐ రవికుమార్‌ తెలిపిన వివరాలు ఇలా ఉన్నా యి. సవరవల్లికి చెందిన బోరరమేష్‌, గారిగణేష్‌, బోరజగన్‌ ముగ్గురు కలిసి శుక్రవారం మధ్యాహ్నం తగరపువలస వెళ్లి అక్కడి నుంచి తిరిగి ఒకే ద్విచక్రవాహనంపై సవరవల్లి వైపు వస్తున్నారు. అదే సమయంలో స్థానిక ఓ రిసార్ట్‌లో పనిచేస్తున్న ఒడిశాకు చెందిన జావేద్‌ అక్తర్‌ సవరవల్లి నుంచి పోలిపల్లి వైపు ద్విచక్ర వాహనంపై వెళ్తున్నారు. ఈ క్రమంలో పోలిపల్లి సమీపానికి వచ్చేసరికి రెండు ద్విచక్రవాహనాలు ఎదురెదురుగా ఢీకొన్నాయి. ఈ ఘటనలో ద్విచక్ర వాహనాలు నడుపుతున్న బోరరమేష్‌, జావేద్‌ అక్తర్‌ తీవ్రంగా గాయపడడంతో వారి పరిస్థితి విషమంగా తయారైంది. వీరిని విజయనగరంలోని ఓ ప్రైవేటు ఆసుపత్రికి తరలించారు. గాయపడిన మరో ఇద్దరిని స్థానిక తగరపువలస లోని ఓ ఆసుపత్రికి తరలించారు. దీంతో ద్విచక్రవాహనాలు నడుపుతున్న బోర రమేష్‌, జావద్‌అక్తర్‌కి తీవ్రగాయాలు కావడంతో ఇద్దరి పరిస్థితి విషమంగా ఉంది. ఇందులో ఇద్దరు తగరపువలస, మరో ఇద్దరు విజయనగరం ప్రేవేటు ఆసుపత్రుల్లో చికిత్స పొందుతున్నారు. వడిస్సాకి చెందిన జావద్‌అక్తర్‌ ప్రేవేటు రిసార్ట్సులో పని చేస్తున్నాడు. దీనిపై కేసు నమోదు చేయడం జరుగుతుందని సీఐ రవికుమార్‌ తెలిపారు.
|
|