ట్రెండింగ్
నెల్లూరులో అగ్నిప్రమాదం, బాలిక మృతి
Andhra Pradesh Telugu | Suryaa Desk | Published : Fri, Jun 21, 2024, 04:01 PM
నెల్లూరు నగరంలో ఘోర ప్రమాదం జరిగింది. బర్మాసెల్ గుంట వద్ద పూరిళ్లల్లో ఒక్కసారిగా మంటలు చెలరేగాయి. మంటల్లో చిక్కుకొని నాగలక్ష్మి అనే బాలిక మృతిచెందింది. స్థానికులు ఇచ్చిన సమాచారం మేరకు ఘటనా స్థలానికి అగ్నిమాపక సిబ్బంది చేరుకున్నారు. మంటలను అదుపు చేసేందుకు తీవ్రంగా కృషి చేస్తున్నారు. రెండు పూరిళ్లు దగ్ధమైనట్లు అధికారులు వెల్లడించారు. చిన్నారి మృతిచెందిన ఘటన స్థానికంగా విషాదం నింపింది. ప్రమాదవశాత్తూ ఒక్కసారిగా మంటలు చెలరేగడంతో బాలిక బయటకు వచ్చేందుకు అవకాశం లేకుండా పోయినట్లు అధికారులు భావిస్తున్నారు. నాగలక్ష్మి మృతితో కుటుంబసభ్యులు, స్థానికులు శోకసంద్రంలో మునిగిపోయారు.
|
|