ట్రెండింగ్
తాడేపల్లికి క్యూ కట్టిన జగన్ అభిమానులు
Andhra Pradesh Telugu | Suryaa Desk | Published : Wed, Jul 31, 2024, 09:49 PM
ఆంధ్రప్రదేశ్‌లో అధికారం కోల్పోయి నైరాశ్యంలో ఉన్న వైసీపీ శ్రేణులకు తాను అండగా ఉంటానని పార్టీ అధినేత, మాజీ ముఖ్యమంత్రి వైఎస్ జగన్ మోహన్ రెడ్డి హామీ ఇచ్చారు. ఈ క్రమంలోనే వైఎస్ జగన్‌ను కలిసేందుకు వైసీపీ కార్యకర్తలు, నేతలు, అభిమానులు, ప్రజలు.. తాడేపల్లి క్యాంప్ ఆఫీస్‌కు క్యూ కట్టారు. ఓపికగా వేచి ఉండి జగన్‌ను కలిశారు. వారందిరనీ పేరుపేరునా పలకరించి వారి కష్టసుఖాలను వైఎస్ జగన్ అడిగి తెలుసుకున్నారు. వైసీపీ కార్యకర్తలు, నాయకులు ఎవరూ అధైర్యపడవద్దని.. వారికి ఎల్లప్పుడూ పార్టీ అండగా ఉంటుందని ధైర్యం చెప్పారు. అందరం కలిసికట్టుగా ముందుకు వెళ్లాల్సిన అవసరం ఉందని వారికి వివరించారు. రానున్న కాలంలో ప్రతీ కార్యకర్తకు తనతో పాటు వైసీపీ తోడుగా ఉంటుందని ఈ సందర్భంగా వైయస్ జగన్ వారికి భరోసానిచ్చారు.
|
|