ట్రెండింగ్
అక్టోబరు 4 నుంచి శ్రీవారి వార్షిక బ్రహ్మోత్సవాలు
Andhra Pradesh Telugu | Suryaa Desk | Published : Mon, Aug 05, 2024, 02:58 PM
తిరుమలలోని శ్రీవారి ఆలయ నాలుగు మాడవీధుల్లోని గ్యాలరీలను టీటీడీ అదనపు ఈవో వెంకయ్య చౌదరి ఆదివారం తనిఖీ చేశారు. శ్రీవారి వార్షిక బ్రహ్మోత్సవాలు అక్టోబరు 4 నుంచి 12వ తేదీ వరకు జరుగనున్న నేపథ్యంలో మాడవీధుల్లో ఉన్న వివిధ ప్రవేశ, నిష్క్రమణ, హారతి పాయింట్ల గురించి తెలుసుకోవడానికి అన్ని గ్యాలరీలను క్షుణ్ణంగా తనిఖీ చేశారు. వాహన మండపం నుంచి ప్రారంభమై నాలుగు మాడవీధుల్లోని గ్యాలరీలు, తిరుమలనంబి ఆలయం వద్ద కదిలే వంతెన, గ్యాలరీల వద్ద ప్రవేశ నిష్క్రమణ పాయింట్లు, ఇతర సంబంధిత సమాచారాన్ని అధికారులను అడిగి తెలుసుకున్నారు. కార్యక్రమంలో డిప్యూటీ ఈవో లోకనాథం, వీజీవో నందకిషోర్‌, ఇతర అధికారులు పాల్గొన్నారు.
|
|