దర్శనానికి వెళ్లివస్తుండగా హిజ్రాలపై దాడి
Andhra Pradesh Telugu | Suryaa Desk | Published : Mon, Aug 12, 2024, 04:05 PM
తిరుపతమ్మ దర్శనానికి వచ్చి తిరిగి వెళ్తుండగా తమపైన, తాము ప్రయాణిస్తున్న కారుపై కొందరు యువకులు దాడిచేశారని హిజ్రాలు ఇచ్చిన ఫిర్యాదుపై విచా రణ జరుపుతున్నామని ఏఎస్‌ఐ బి.శంకర్‌ తెలిపారు. గుంటూరు నల్లచెరువుకు చెందిన షేక్‌ షాహిన్‌ అనే హిజ్రాతోపాటు మరికొంతమంది హిజ్రాలు ఆదివారం పెనుగంచిప్రోలు తిరుపతమ్మకు మొక్కులు చెల్లించుకు నేందుకు దేవస్థానానికి వచ్చారు. అమ్మవారి దర్శ నం కోసం ఆలయంలోకి వెళ్లే ముందు సెల్‌ఫోన్‌ కౌంటర్‌ వద్ద కౌంటర్‌ గుమస్తాలకు హిజ్రాలకు మధ్య కొద్దిపాటి ఘర్షణ జరిగింది. అమ్మవారి దర్శ నం అనంతరం హిజ్రాలు మునేటి అవతలవైపున ఉన్న మామిడితోటలో భోజనాలు ముగించుకుని, తిరిగి తమ కారులో ఇంటికి వెళ్తుండగా, సెల్‌ఫోన్‌ కౌంటర్‌ వద్ద పనిచేస్తున్న కొంతమంది యువకులు ద్విచక్రవాహనాలపై చెరువుకట్ట సెంటర్‌ సమీపం లోని సాయిబాబా గుడి సమీపంలోకి వెళ్లి హిజ్రా లు ప్రయాణిస్తున్న కారుకు అడ్డం తిరిగి కారుపైన, హిజ్రాలపైన దాడి చేశారు. దీంతో ఏడుగురు యు వకులు తమపై దాడిచేశారని, తమకు న్యాయం చేయాలని హిజ్రాలు స్థానిక పోలీస్‌ స్టేషన్‌కు వచ్చి ఫిర్యాదు చేశారు.
|
|