ఏక్ తేరా.. ఏక్ మేరా
Andhra Pradesh Telugu | Suryaa Desk | Published : Mon, Aug 19, 2024, 03:51 PM
లంచం తీసుకున్న సొమ్ము పంచుకుంటూ ట్రాఫిక్ పోలీసులు కెమెరాకు చిక్కారు. దేశ రాజధాని ఢిల్లీలో జరిగిన ఈ ఘటనకు సంబంధించిన వీడియో ఇప్పుడు సోషల్ మీడియాలో తెగ వైరల్ అయ్యింది. శనివారం ఢిల్లీ ట్రాఫిక్ పోలీసులు వాహనదారుల నుంచి వసూలు చేసిన లంచం సొమ్మును నిజాయితీగా వాటాలు వేసుకున్నారు. గాజీపూర్లోని చెక్ పోస్ట్ వద్ద విధులు నిర్వహిస్తున్న ట్రాఫిక్ పోలీసులు ఈ నిర్వాకానికి పాల్పడ్డారు. అయితే, వారి వాటాల పంపకం అక్కడున్న సీసీటీవీ కెమెరాలో రికార్డవుతోందనే విషయం గుర్తించలేదు.
దీనికి సంబంధించిన వీడియో సోషల్ మీడియాలో వైరల్గా మారింది. ఢిల్లీ లెఫ్టినెంట్ గవర్నర్ వీకే సక్సేనా వరకు చేరింది. దీంతో ఆయన సీరియస్గా స్పందించారు. వెంటనే సదరు ట్రాఫిక్ సిబ్బందిని సస్పెండ్ చేశారు. వారిపై డిపార్ట్ మెంటల్ ఎంక్వైరీకి ఆదేశించారు. ‘లంచం నోట్లు పంచుకుంటూ కెమెరాకు చిక్కిన ఇద్దరు అసిస్టెంట్ సబ్ ఇన్స్పెక్టర్లు, ఓ కానిస్టేబుల్ను సస్పెండ్ చేశాం. ప్రాథమిక విచారణ తర్వాత వారిపై చర్యలు తీసుకున్నాం. వారిపై శాఖాపరమైన విచారణకు ఆదేశించాం’అంటూ ఢిల్లీ ఎల్జీ వీకే సక్సేనా ఎక్స్ (ట్విట్టర్) వేదికగా పేర్కొన్నారు.
|
|