ట్రెండింగ్
మంకీపాక్స్‌ నివారణకు ఆర్టీ-పీసీఆర్‌ కిట్‌
Andhra Pradesh Telugu | Suryaa Desk | Published : Fri, Aug 30, 2024, 12:44 PM
‘మంకీపాక్స్‌ వ్యాధి నిర్ధారణ కోసం దేశీయంగా విశాఖ మెడ్‌టెక్‌ జోన్‌లో ఆర్టీ-పీసీఆర్‌ కిట్‌ అభివృద్ధి చేయడం అభినందనీయం’ అని సీఎం చంద్రబాబు అన్నారు. విశాఖ మెడ్‌టెక్‌ జోన్‌ సీఈవో జితేంద్ర శర్మ, జోన్‌ ప్రతినిధులు సచివాలయంలో ముఖ్యమంత్రిని కలిశారు. ఈ సందర్భంగా మొట్టమొదటి ఆర్టీ-పీసీఆర్‌ కిట్‌ను చంద్రబాబు ఆవిష్కరించారు. ఈ కిట్‌ను తక్కువ ధరతో ప్రజలకు అందుబాటులోకి తెస్తామని మెడ్‌టెక్‌ ప్రతినిధులు తెలిపారు. మెడ్‌టెక్‌ జోన్‌ భాగస్వామి ట్రాన్సాసియా డయాగ్నోస్టిక్స్‌... ఎర్బామ్‌డెక్స్‌ మంకీపాక్స్‌ ఆర్టీపీసీఆర్‌ కిట్‌ పేరిట ఈ కిట్‌కు రూపకల్పన చేసినట్లు సీఎంకు వివరించారు. ‘మేక్‌ ఇన్‌ ఏపీ’ బ్రాండ్‌ రాష్ట్రానికి రావడానికి ఈ కిట్‌ దోహదపడుతుందని సీఎం అన్నారు. ప్రభుత్వం నుంచి మెడ్‌టెక్‌ జోన్‌కు అన్ని విధాలా సహాయ, సహకారాలు అందిస్తామన్నారు.
|
|