ట్రెండింగ్
ప్రధాని మోదీ ఇంటికి కొత్త సభ్యురాలు.. దీప్‌జ్యోతితో ఆప్యాయంగా
national | Suryaa Desk | Published : Sat, Sep 14, 2024, 10:36 PM
ప్రధానమంత్రి నరేంద్ర మోదీ నివాసంలోకి కొత్త సభ్యురాలు అడుగుపెట్టింది. ఢిల్లీలోని లోక్‌ కళ్యాణ్ మార్గ్‌లోని ప్రధానమంత్రి అధికారిక నివాసంలో ఉన్న ఓ ఆవు.. తాజాగా ఓ చిన్న లేగదూడకు జన్మనిచ్చింది. ఇక ఆ చిన్ని లేగదూడకు.. దీప్‌జ్యోతి అని ప్రధాని మోదీ పేరు పెట్టారు. ఇక దూడ నుదుటిపై కాంతికి చిహ్నంగా ఒక ప్రత్యేక గుర్తు కూడా ఉంది. దీంతో ఆ లేగ దూడకు ప్రధాని దీప్‌జ్యోతి అని పేరు పెట్టినట్లు తెలుస్తోంది. ఈ క్రమంలోనే లేగదూడకు శాలువా కప్పి ప్రధాని ప్రత్యేక పూజలు కూడా చేశారు. దీనికి సంబంధించిన ఫోటోలు, వీడియోను ప్రధాని తన ట్విటర్ ఖాతాలో పోస్ట్ చేశారు. ఆ వీడియోలో ప్రధాని మోదీ.. లేగదూడను ముద్దాడుతూ.. దానితో ఆడుకుంటూ కనిపించారు. ప్రస్తుతం ఈ వీడియో, ఫోటోలు సోషల్ మీడియాలో తెగ వైరల్ అవుతున్నాయి.
|
|