ట్రెండింగ్
నేను రెండు త్రిపుల్‌ ఆర్‌ సినిమాలు చూశా
Andhra Pradesh Telugu | Suryaa Desk | Published : Sat, Oct 05, 2024, 05:52 PM
మేం అధికారంలోకి రాగానే బ్లడ్‌ బుక్‌ రాస్తాం. ఈ సభ కార్యకర్తల కేర్‌ సభలా ఉంది. మళ్లీ అధికారంలోకి రాగానే ప్రతి పథకం కేడర్‌ చేతుల మీదుగానే అమలయ్యేలా వై.య‌స్‌.జగన్‌ దృష్టికి తీసుకెళ్తా అని వైసీపీ నేత మోదుగుల వేణుగోపాల్ రెడ్డి అన్నారు. అయన మాట్లాడుతూ... దివంగత మహానేత డాక్టర్‌ వై.య‌స్‌.రాజశేఖరరెడ్డి పేదల గుండెల్లో ధైర్యాన్ని నింపారు. వై.య‌స్‌.జగన్‌ వారికి సంక్షేమాన్ని అందజేశారు. నేను రెండు త్రిపుల్‌ ఆర్‌ సినిమాలు చూశా. ఒకటి ఎన్టీఆర్‌ నటించింది కాగా... రెండో సినిమాలో రామోజీరావు, రాధాకృష్ణ, బీఆర్‌ నాయుడు నటించిన చిత్రం చంద్రబాబు డైరెక్షన్‌లో చూశా. మా వాళ్లపై దాడి చేస్తే బ్లడ్‌ బుక్‌లో రాయడం ఖాయం. అధికారులు వ్యవహరిస్తున్న తీరును అనుక్షణం గమనిస్తాం అని అన్నారు.
|
|