పెళ్లైన 5 రోజులకే నవవధువు మృతి.. స్నానం కోసం బాత్రూంలోకి వెళ్లగా

సంతోషంగా పెళ్లి చేసుకుని.. అత్తారింట్లో అడుగుపెట్టిన ఆ యువతికి ఆ సంతోషం ఎన్నో రోజులు మిగలలేదు. పెళ్లి అయిన 5 రోజులకే తనువు చాలించింది ఆ నవ వధువు. పెళ్లి తర్వాత కార్యక్రమాల్లో భాగంగా అత్తగారింటికి వచ్చిన ఆ కొత్త పెళ్లి కూతురు.. స్నానం కోసం అని.. బాత్రూంలోకి వెళ్లింది. అయితే అక్కడ ఉన్న గీజర్ పేలడంతో.. బాత్రూంలోనే స్పృహ తప్పి పడిపోయింది. అయితే అది గమనించని కుటుంబ సభ్యులు.. ఆ యువతి ఎంతకూ బయటికి రావట్లేదని గుర్తించారు. కొద్దిసేపు అలాగే వేచిచూసిన భర్త, కుటుంబ సభ్యులు.. ఆ తర్వాత ఏం జరిగిందోనని బాత్రూం డోర్ కొట్టారు. అటు వైపు నుంచి ఎలాంటి ఉలుకు పలుకు లేకపోవడంతో.. అనుమానం వచ్చి.. ఆ బాత్రూం డోర్‌ను పగలగొట్టారు. అయితే అప్పటికే ఆ బాత్రూంలో స్పృహ తప్పి పడిపోయిన ఆ కొత్త పెళ్లి కుమార్తెను హుటాహుటిన ఆస్పత్రికి తరలించగా.. ప్రాణాలు కోల్పోయినట్లు డాక్టర్లు తెలిపారు.

ఉత్తర్‌ప్రదేశ్‌లోని పెళ్లి ఇంట్లో విషాదం నెలకొంది. గీజర్ పేలి నవ వధువు మరణించడం.. వధూవరుల కుటుంబాల్లో తీరని విషాదాన్ని నింపింది. బరేలీలోని మీర్‌గంజ్ ప్రాంతంలో జరిగిన ఈ విషాద ఘటన అందర్నీ కంటతడి పెట్టిస్తోంది. బులంద్ షహర్‌లోని కాలే కా నాగ్లా గ్రామానికి చెందిన యువతిని.. పిపల్సనా చౌదరి గ్రామానికి చెందిన దీపక్ యాదవ్‌తో నవంబర్ 22వ తేదీన వివాహం జరిగింది. ఈ క్రమంలోనే తాజాగా అత్తగారింటికి వచ్చిన పిపల్సనా చౌదరి.. బుధవారం సాయంత్రం స్నానం చేయడానికి బాత్రూంలోకి వెళ్లగా.. ఈ ఘోరం జరిగింది.

పిపల్సనా చౌదరి స్నానం చేయడానికి వెళ్లిన చాలా సేపటి కూడా బయటకు రాలేదు. దీంతో ఆమె భర్త దీపక్ యాదవ్, బంధువులు తీవ్ర ఆందోళనకు గురయ్యారు. ఎంత పిలిచినా బాత్రూంలో నుంచి స్పందన రాకపోవడంతో మరింత భయాందోళనలకు గురయ్యారు. వెంటనే ఆ బాత్రూమ్ తలుపు పగలగొట్టి చూడగా.. అప్పటికే పిపల్సనా చౌదరి.. అపస్మారక స్థితిలో పడి ఉండటాన్ని గమనించారు. ఇక ఆ బాత్రూంలో ఉన్న గీజర్ పేలిపోయి కనిపించడంతో.. అదే ప్రమాదానికి కారణం అని వాళ్లు గుర్తించారు.

వెంటనే పిపల్సనా చౌదరిని ఆస్పత్రికి తరలించగా.. అప్పటికే మరణించినట్లు డాక్టర్లు ప్రకటించారు. అయితే కచ్చితమైన కారణాన్ని గుర్తించేందుకు పిపల్సనా చౌదరి మృతదేహాన్ని పోస్టుమార్టం చేసేందుకు పంపించారు. అయితే గీజర్ పేలుడు కారణంగానే యువతి చనిపోయిందా లేక వేరే ఏదైనా కారణం ఉందా అనే కోణంలో పోలీసులు దర్యాప్తు ప్రారంభించారు. పోస్ట్ మార్టం నివేదిక వచ్చే వరకు ఏం చెప్పలేమని పేర్కొంటున్నారు. ఇక ఈ ఘటనతో అటు వధువు కుటుంబంలోనే కాకుండా వరుడి కుటుంబంలోనూ విషాద ఛాయలు అలుముకున్నాయి.