రూ.10 నుంచి రూ.500.. ప్రింటింగ్ కోసం ఏ నోటుకు ఎంత ఖర్చవుతుందో తెలుసా

మానవాళిని ప్రభావితం చేసే స్థాయికి కరెన్సీ చేరుకుంది. ఏ చిన్న పని చేయాల్సిన డబ్బులు కావాల్సిందే. మన దేశంలో నాణెలు, నోట్లు చలామణిలో ఉన్నాయి. కరెన్సీ నోట్ల విషయానికి వస్తే ప్రస్తుతం రూ. 10, రూ. 20, రూ. 50, రూ. 100, రూ. 200, రూ. 500 నోట్లు ముద్రిస్తోంది రిజర్వ్ బ్యాంక్ ఆఫ్ ఇండియా ఆర్‌బీఐ. కరెన్సీ నోట్ల ముద్రణపై వ్యయం రూ. 5,101 కోట్లకు చేరుకుందని ఇటీవలే గణాంకాలు విడుదల సింది. మనం నిత్యం ఉపయోగించే ఈ కరెన్సీ నోట్లు ముద్రించేందుకు ఏ నోటుకు ఎంత ఖర్చు అవుతుందోనని ఎప్పుడైనా మీరు ఆలోచించారా? రూ. 10 నోటు నుంచి రూ. 500 పెద్ద నోట్ల వరకు ఏ నోటుకు ఎంత అవుతుందో తెలుసుకుందాం.

ప్రస్తుతం చలామణిలో ఉన్న అతిపెద్ద నోటుగా రూ.500 కరెన్సీ నోటు ఉంది. 2016 వరకు అందుబాటులో ఉన్న రూ. 1000, రూ. 500 నోట్లను రద్దు చేసి రూ. 2000, రూ. 500 కొత్త నోట్లను తెచ్చారు. అయితే, గత ఏడాది రూ. 2000 నోట్లను సైతం చలామణి నుంచి ఉపసంహరించుకున్న సంగతి తెలిసిందే. దీంతో చలామణిలో ఉన్న పెద్ద నోటు రూ. 500. ఈ ఒక్క నోటు ముద్రించేందుకు రిజర్వ్ బ్యాంక్ రూ. 2.94 ఖర్చు చేస్తోంది.

 చలామణిలో రెండో పెద్ద నోటుగా రూ. 200 కరెన్సీ నోటు ఉంది. ఈ నోటు ముద్రించేందుకు రిజర్వ్ బ్యాంకుకు రూ. 2.93 ఖర్చు అవుతోంది.

ఇక రూ. 200 నోటు తర్వాత రూ. 100 నోటు చలామణిలో ఉంది. రూ. 100 కరెన్సీ నోటును ముద్రించేందుకు ఆర్‌బీఐ రూ. 1.77 ఖర్చు చేస్తోంది.

రూ. 50 నోటు ముద్రించేందుకు ఒక్కో నోటుకు రూ. 1.13 ఖర్చు అవుతున్నట్లు ఆర్‌బీఐ గణాంకాలు చెబుతున్నాయి.

ఇక రూ. 20 కరెన్సీ నోటును ప్రింటింగ్ చేసేందుకు ఒక్కో నోటుకు రూ. 0.95 ఖర్చు అవుతున్నట్లు ఆర్‌బీఐ తెలిపింది.

ఇక రూ. 10 కరెన్సీ నోటు ముద్రణకు ఒక్కో నోటుకు రూ. 0.96 ఖర్చు అవుతున్నట్లు తెలిపింది.