పెట్రోల్, డీజిల్‌పై రూ.5 తగ్గింపు.. ఆ బంకుల్లో స్పెషల్ స్కీమ్

పండుగల సందర్భంగా వాహనదారులకు బంపర్ ఆఫర్ ప్రకటించింది ప్రముఖ ప్రైవేట్ రంగ ఇంధన రిటెయిలింగ్ సంస్థ నయారా ఎనర్జీ. పెట్రోల్, డీజిల్ పై రూ.5 వరకు తగ్గింపు ఇస్తున్నట్లు తెలిపింది. సబ్ కీ జీత్ గ్యారెంటీడ్ 2024 పథకం కింద ఈ ఆఫర్ ఇస్తున్నామని నయారా ఎనర్జీ చీఫ్ మార్కెటింగ్ ఆఫీసర్ మాధుర్ తనేజా వెల్లడించారు. సబ్ కీ జీత్ గ్యారెంటీడ్ పథకం కింద పట్టణ ప్రాంతాలతో పాటు గ్రామీణ ప్రాంత బంకుల్లోనూ ఈ డిస్కౌంట్ ఆఫర్ వర్తిస్తుందని తెలిపారు. పెట్రోల్ (ఎంఎస్), డీజిల్ (హెచ్ఎస్‌డీ) పై ఈ ఆఫర్ అమలవుతుందని తెలిపారు.

మీరు పెట్రోల్ బంకుల్లో ఇంధనం నింపుకునేటప్పుడు ఈ ఆఫర్ అందుకోవచ్చు. దీని ద్వారా లీటర్ పెట్రోల్‌, డీజిల్‌పై రూ.5 వరకు తగ్గింపు పొందవచ్చు. ఇందు కోసం కనీసం రూ.1000 చొప్పున ఇంధనం నింపుకోవాలి. అప్పుడు ఆఫర్ వర్తిస్తుంది. రష్యాకు చెందిన రాస్ నెఫ్ట్ యాజమాన్యంలోని సంస్థే నయారా ఎనర్జీ. మరి నయారా డిస్కౌంట్ వోచర్ ఎలా అందుకోవాలో ఇప్పుడు మనం తెలుసుకుందాం.

నయారా డిస్కౌంట్ వోచర్ పొందాలంటే ముందుగా నయారా ప్రమోషన్ వాట్సాప్ కాంటాక్ట్ నంబర్‌కి మెసేజ్ చేయాలి. నయారా వాట్సాప్ నంబర్ 8655860738కి NESKJGFAS అని మెసేజ్ చేయాలి. అప్పుడు మీకు నయారా పెట్రోల్ డిస్కౌంట్ కోడ్ వస్తుంది. అప్పుడు మీరు సమీపంలోని నయారా పెట్రోల్ పంపుకు వెళ్లి పెట్రోల్ నింపుకుని ఈ క్యూఆర్ కోడ్ చూపించాలి. ఆన్‌లైన్ ద్వారా పేమెంట్ చేసినట్లయితే డిస్కౌంట్ అనేది లభిస్తుంది. రూ.1000 ఆపైన పెట్రోల్ కొట్టించుకున్నప్పుడు మీకు లీటర్ పై రూ.5 వరకు డిస్కౌంట్ అనేది లభిస్తుంది. మరోవైపు.. లక్కీ విన్నర్లు స్మార్ట్ ఫోన్లు, కార్, బైక్ వంటివి గెలుచుకునే ఆఫర్ సైతం అందిస్తోంది. రూ.1000 వరకు బ్యాకప్ వోచర్ సైతం అందిస్తోంది.

నయారా ఎనర్జీ అనేది ఆయిల్ రిఫైనరీ. ఈ సంస్థకు దేశ వ్యాప్తంగా పెట్రోల్ పంపులు ఉన్నాయి. ప్రస్తుతం సబ్ కీ జీత్ గ్యారెంటీడ్ 2024 క్యాంపెయిన్ నిర్వహిస్తోంది. ఈ స్కీమ్ ద్వారా తమ పెట్రోల్ బంకుల్లో రూ.200 ఆపైన పెట్రోల్ కొట్టించుకున్న వారికి ఫ్రీ ఫ్యూయల్ వోచర్ అందిస్తోంది. ఈ ఆఫర్ జనవరి 26, 2025 వరకు మాత్రమే అందుబాటులో ఉంటుందని నయారా ఎనర్జీ కంపెనీ తెలిపింది.

ఫ్రీ ఫ్యూయల్ వోయర్ పొందాలంటే ముందుగా సమీపంలోని నయారా ఎనర్జీ పెట్రోల్ పంపు వద్దకు వెళ్లి అక్కడి లిస్టులో ఉన్న పంపులను తెలుసుకోవాలి. రూ.200 ఆపైన పెట్రోల్ కొట్టించుకోవాలి. క్యూఆర్ కోడ్ ఉన్న బిల్ తీసుకోవాలి. దానిని స్కాన్ చేయాలి. లేదా 7678061252 అనే వాట్సాప్ నంబర్‌కి హాయ్ అని మెసేజ్ చేయాలి. అప్పుడు మీకు వెల్కమ్ మేసేజ్ వస్తుంది. రిజిస్ట్రేషన్ పూర్తి చేయాలి. మీ బిల్ వాట్సాప్ చేయాలి. దీంతో మీకు రూ.1000 వరకు ఫ్రీ వోచర్ వస్తుంది. మొదటి, నాలుగోసారి పెట్రోల్ కొట్టించుకున్నప్పుడు ఈ ఆఫర్ వాడుకోవచ్చు.