ట్రెండింగ్
వైభవంగా చొక్కాణి ఉత్సవం
Andhra Pradesh Telugu | Suryaa Desk | Published : Sat, Dec 14, 2024, 04:16 PM
శ్రీకాళహస్తీశ్వరాలయంలోని మహానంది వద్ద శుక్రవారం రాత్రి చొక్కాణి ఉత్సవం వేడుకగా జరిగింది. గురువారం రాత్రి కలశస్థాపనతో వేదపండితులు క్రతృవును ప్రారంభించారు. కలశస్థాపన అనంతరం బాలాదీపాలను అమ్మవారి సన్నిధి వద్ద వెలిగించి స్వామి సన్నిధి వద్దభద్రపరిచారు. శుక్రవారం రాత్రి వరకు బాలాదీపాలను నిరంతరాయంగా వెలిగేలా ఏర్పాటు చేశారు. శుక్రవారం ఉదయం తాటిచెట్టును మహానంది వెనుకవైపున దారాలతో లాగి నిలబెట్టారు. దీని చుట్టూ తాటాకు మట్టలను కప్పారు. రాత్రి ఆలయం నుంచి బాలాదీపాలను ఊరేగింపుగా తాటిచెట్టు వరకు తీసుకొచ్చి ప్రదక్షిణలు చేశారు. ప్రత్యేక పూజల అనంతరం చొక్కాణిని వెలిగించారు. చొక్కాణి జ్యోతి అఖండ ప్రజ్వలనతో ప్రకాశించింది. ఇందులోని భస్మాన్ని ఈశ్వరప్రసాదంగా భావించి భక్తులు పోటీపడి ఇళ్లకు తీసుకెళ్లారు. ఈవో బాపిరెడ్డి, ఆలయ అధికారులు తదితరులు పాల్గొన్నారు.
|
|