ఫుల్ పాపులర్ అవుతున్న బెల్లం టీ.. బరువు తగ్గడంతో పాటు ఈ లాభాలనిచ్చే టీని ఎలా చేయాలంటే

బెల్లం టీ.. ఈ మధ్యకాలంలో ఈ టీ బాగా పాపులర్ అవుతోంది. టీ తాగే అలవాటుని ఎలాగూ దూరం చేసుకోలేం. అలాంటిది టీని హెల్దీగా చేసుకోవాలంటే బెల్లంతో టీ తయారు చేసుకోవాలి. చలికాలం కావడంతో చాలా మంది రోజుకి రెండుసార్లు తాగే టీల సంఖ్య పెరుగుతూనే ఉంటుంది. రెండు, మూడు ఇలా పెరుగుతూనే ఉంటుంది. దీంతో అందులోని పంచదార శాతం పెరిగి బాడీలో కొలెస్ట్రాల్ పెరిగి బరువు పెరుగుతారు. అలా కాకుండా ఆ ప్రమాదాన్ని కాస్తా తగ్గించుకోవాలనుకుంటే పంచదార కంటే కాస్తా హెల్దీ అయిన బెల్లంతో టీ తయారు చేసుకోండి. దీనిని తీసుకోవడం వల్ల బెల్లం కూడా తీసుకున్న వారవుతారు. హెల్త్‌కి కూడా చాలా ప్రయోజనాలున్నాయి. అవేంటో తెలుసుకోండి.

బ్లడ్ ప్యూరిఫై..

చాలా మందికి తెలిసే ఉంటుంది. బెల్లం తింటే బ్లడ్ ప్యూరిఫై అవుతుంది. బ్లడ్ సర్క్యూలేషన్ సరిగా ఉంటుంది. అందుకే ముందు కాలంలో భోజనం చేశాక ఒక ముక్కైనా బెల్లం తినమంటారు. అదే విధంగా, బెల్లం తినడం వల్ల రక్త శాతం కూడా పెరుగుతుంది. ఇందులో ఐరన్ కంటెంట్ ఎక్కువగా ఉండడం వల్ల రక్తంలో బ్లడ్ లెవల్స్‌ని పెరిగేలా చేస్తుంది.

టీ తాగడానికి బెస్ట్‌ టైమ్‌

​బరువు తగ్గడం..

బెల్లం నేచురల్ స్వీటెనర్ అని చెప్పిచ్చు. ఇందులో పంచదారతో పోలిస్తే తక్కువ కేలరీలు ఉంటాయి. దీనిని తీసుకోవడం వల్ల మెటబాలిజం బూస్ట్ అవుతుంది. దీంతో జీర్ణ సమస్యలు దూరమవుతాయి. బెల్లంలో ఎక్కువగా పొటాషియం ఉంటుంది. ఇది ఎలక్ట్రోలైట్ బ్యాలెన్స్ చేస్తుంది. కండరాలను బలంగా చేసి జీవక్రియని పెంచుతుంది. దీంతో అదనపు కేలరీలు బర్న్ అవుతాయి. ఆకలి సరిగా అవుతుంది. వీటన్నింటి కారణంగా బరువు కూడా చాలా వరకూ కంట్రోల్‌లో ఉంటుంది. రెగ్యులర్‌గా తాగడం అలవాటు చేసుకోండి.

ఒత్తిడి..

సాధారణంగా ఏదైనా స్ట్రెస్‌లో ఉన్నప్పుడు చాలా మంది టీ తాగితే రిలీఫ్‌గా ఫీల్ అవుతారు. అలాంటి వారు ఆ టీలో బెల్లం వేసుకుని తాగండి. దీని వల్ల కూడా చాలా రిలాక్స్‌గా ఫీల్ అవుతారు. ఒక్కసారిగా ఒత్తిడి దూరమైనట్లుగా అనిపిస్తుంది.

ఇమ్యూనిటీ..

బెల్లంలో ఎక్కువగా యాంటీ ఆక్సిడెంట్స్, మినరల్స్ అయిన జింక్, సెలెనీయంలు ఉంటాయి. వీటి వల్ల ఇమ్యూనిటీ పెరుగుతుంది. దీంతో మనకి సీజన్‌లో వచ్చే జలుబు, దగ్గు, జ్వరాల వంటి సీజనల్ ప్రాబ్లమ్స్‌ని దూరం చేస్తాయి. రెగ్యులర్‌గా తీసుకుంటే మీకే తేడా తెలుస్తుంది.

జీర్ణ సమస్యలు..

సాధారణంగా చాలా మందికి జీర్ణ సమస్యలొస్తాయి. అలాంటి వారు రెగ్యులర్‌ టీ బదులు బెల్లం టీ తాగి చూడండి. బెల్లంలో నేచురల్ ఎంజైమ్స్ ఉంటాయి. ఇవి జీర్ణ సమస్యలైన కడుపు ఉబ్బరం, కడుపు నొప్పి, అజీర్ణం వంటి సమస్యల్ని దూరం చేస్తుంది. అందుకే, చాలా మంది బెల్లాన్ని డైట్‌లో యాడ్ చేసుకోమంటారు.

కీళ్ల నొప్పులు..

బెల్లం టీలో విటమిన్స్, మినరల్స్ ఎక్కువగా ఉంటాయి. దీనిని తీసుకోవడం వల్ల కీళ్ల నొప్పులు, జాయింట్ పెయిన్స్, ఎముకలకి సంబంధించిన సమస్యల్ని దూరం చేసుకున్నవారవుతాం. చలికాలంలో వచ్చే కీళ్ల నొప్పులు, బోన్ పెయిన్స్ వంటి సమస్యల్ని దూరం చేస్తాయి.

బెల్లం టీ ఎలా తయారు చేయాలి..

దీనికోసం మీరు పాలతో అయినా టీ తయారు చేసుకోవచ్చు. నీటితో అయినా తయారు చేసుకోవచ్చు. అయితే నీటితో తయారుచేసినప్పుడు ముందుగానే బెల్లం వేయాలి. అదే పాలతో తయారుచేసినప్పుడు చివర్లో వేసి మరిగించాలి. దీంతో పాలు విరిగిపోకుండా ఉంటాయి. ఇందులో మీకు ఇష్టమైతే అల్లం, యాలకులు, దాల్చిన చెక్క వేసుకోవచ్చు. అయితే, మంచిదని ఎక్కువగా బెల్లాన్ని వాడొద్దు. దీని వల్ల కూడా సమస్యలు వస్తాయి. బెల్లం మంచిదే. కానీ, అలా అని ఎక్కువగా కాకుండా తగిన మోతాదులోనే తీసుకోండి. దీంతో ఎలాంటి సమస్యలుండవు.