కెమికల్ డై వేస్తున్నారా..బదులుగా ఉల్లిపాయ పొట్టుతో ఇలా చేస్తే తెల్లజుట్టు నల్లగా మారుతుంది

చిన్నా పెద్దా తేడా లేకుండా చాలా మంది ఫేస్ చేసే ప్రాబ్లమ్ తెల్లజుట్టు. దీని వల్ల చిన్నతనంలోనే పెద్దవారిలా కనిపిస్తారు. దీంతో చాలా మంది నలుగురిలోకి వెళ్లాలన్నా.. నలుగురితో కలవాలన్నా ఇబ్బందిగా ఫీల్ అవుతారు. ఈ తెల్ల జుట్టు రావడానికి చాలా కారణాలు ఉన్నాయి. అందులో విటమిన్స్ బి, డి, ఇ, ఎ, బి12, బయోటిన్ లోపం వల్ల కూడా జుట్టు తెల్లబడుతుంది. ఇది మాత్రమే కాకుండా ఒత్తిడి పెరగడం,వంశపారపర్యం వంటి సమస్యల కారణంగా జుట్టు తెల్లబడుతుంది. దీనిని నేచరల్‌గానే నల్లగా చేసుకోవాలంటే కొన్ని పదార్థాలు అవసరమవుతాయి. అదెలానో తెలుసుకోండి.

విటమిన్ ఇ..

​విటమిన్ ఇ జుట్టు, చర్మానికి చాలా మంచిది. విటమిన్ ఇ జుట్టు కుదుళ్లని బలంగా చేయడానికి పోషకాలని అందిస్తాయి. విటమిన్ ఇ జుట్టు తెగిపోవడాన్ని తగ్గించి మెరిసేలా చేస్తుంది. విటమిన్ ఇ జుట్టుని సహజంగానే బలంగా చేస్తుంది. విటమిన్ ఇ ఫుడ్స్ తినడం, విటమిన్ ఇ అప్లై చేయడం వల్ల జుట్టు హెల్దీగా అందంగా మారుతుంది.

ఉల్లిపాయ పొట్టు..

జుట్టు పెరుగుదలకి ఉల్లిపాయ చాలా మంచిది. ఉల్లిపాయని వాడడం వల్ల జుట్టు తెల్లబడడం తగ్గుతుంది. ఇది జుట్టుని నల్లగా మార్చేందుకు హెల్ప్ చేస్తుంది. దీని వల్ల స్కాల్ప్‌కి రక్త ప్రసరణ పెరగుతుంది. ఇందులోని సల్ఫర్ జుట్టు ఆరోగ్యానికి సాయపడే కెరాటిన్ ఉత్పత్తికి సాయపడుతుంది. ఇందులోని శక్తివంతమైన యాంటీ ఆక్సిడెంట్స్ జుట్టు తెల్లబడడాన్ని తగ్గిస్తాయి.

బాదం..

బాదం జుట్టు ఆరోగ్యానికి చాలా మంచిది. బాదం పప్పు తినడం వల్ల ఆరోగ్యంతో పాటు జుట్టు కూడా హెల్దీగా మారుతుంది. బాదం ఆయిల్ జుట్టు మూలాల నుండి బలంగా చేస్తుంది. దీంతో జుట్టు రాలడం తగ్గి పెరుగుతుంది. ఇది జుట్టుని మృదువుగా చేసి చివర్లు చిట్లకుండా చేస్తుంది. ఇందులో సహజ యాంటీ ఆక్సిడెంట్స్, విటమిన్ ఇ ఉన్నాయి. దీనిని వాడడం వల్ల స్కాల్ఫ్ ఇన్ఫెక్షన్స్ వంటి సమస్యలు తగ్గుతాయి.

కొబ్బరినూనె..

జుట్టు పెరుగుదలకి కొబ్బరినూనె చాలా మంచిది. ఇందులో ఫ్యాటీ యాసిడ్స్ ఉంటాయి. ఇవి జుట్టుని పెరిగేలా చేస్తాయి. కొబ్బరినూనె వాడడం వల్ల జుట్టు మృదువుగా మారుతుంది. దీంతో పాటు హైడ్రేషన్ అందుతుంది. దీతో డ్రై హెయిర్ ప్రాబ్లమ్ తగ్గుతుంది. ఇందులో లారిక్ యాసిడ్ తలపై ఈస్ట్ ఉత్పత్తిని తగ్గించి చుండ్రు సమస్యల్ని దూరం చేసి జుట్టు రాలడాన్ని తగ్గిస్తుంది. అంతేకాకుండా, ఇందులో మైక్రబియల్, యాంటీ ఇన్‌ఫ్లమేటరీ గుణాలు ఉన్నాయి. ఇవన్నీ జుట్టు ఆరోగ్యానికి చాలా మంచివి.

మెంతులు..

మెంతులు కూడా జుట్టు ఆరోగ్యానికి చాలా మంచివి. వీటిని వాడడం వల్ల జుట్టు రాలడం తగ్గడమే కాదు చుండ్రు కూడా దూరమవుతుంది. దీని వల్ల రక్త ప్రసరణ పెరుగుతుంది. దీంతో జుట్టు పెరుగతుుంది. మెంతుల్లో ప్రోటీన్, అమినో యాసిడ్స్ పుష్కలంగా ఉంటాయి. ఉందులోని ఐరన్, పొటాషియం జుట్టు తెల్లబడకుండా ఉండేందుకు హెల్ప్ చేస్తుంది. దీంతోపాటు, జుట్టుని ఆరోగ్యంగా చేయడంలో మెంతులు బాగా హెల్ప్ చేస్తాయి.

ఎలా తయారు చేయాలి..

ముందు రెండు మూడు ఉల్లిపాయల పొట్టు తీసుకుని వాటిని శుభ్రంగా కడిగి ఆరబెట్టండి. ఇప్పుడు స్టౌపై మందపాటి పాన్ పెట్టి అందులో రెండు బాదంపప్పులు, ఉల్లిపాయ తొక్క, రెండు టేబుల్ స్పూన్ల మెంతులు వేసి నల్లని రంగు వచ్చేవరకూ వేడి చేయండి. తర్వాత వీటిని మిక్సీ పట్టుకోండి. ఇప్పుడు ఈ పేస్టుని మూడు స్పూన్లు తీసుకుని అందులో కొద్దిగా విటమిన్ ఇ, కొద్దిగా కొబ్బరినూనె కలపాలి. దీన్ని బ్రష్‌తో జుట్టుకి అప్లై చేయాలి. రెండు గంటల తర్వాత క్లీన్ చేయండి. అంతే ఇలా రెగ్యులర్‌గా చేస్తే తెల్లజుట్టు నల్లగా మారుతుంది.