అందుకు ఒప్పుకోలేదని హత్య.. డెడ్‌బాడీని 3 ముక్కలుగా చేసి

ఆమెకు అప్పటికే పెళ్లి అయింది. ముగ్గురు పిల్లలు కూడా ఉన్నారు. అయితే భర్తతో గొడవల కారణంగా రెండేళ్లుగా అతనితో దూరంగా ఉంటోంది. పిల్లలను పోషించేందుకు పనిమనిషిగా మారి జీవితాన్ని సాగిస్తోంది. అయితే ఆమెపై కన్నేసిన ఆమె బావ ఎలాగైనా ఆమెను దక్కించుకోవాలనుకున్నాడు. కానీ ఆమె అందుకు అంగీకరించలేదు. దీంతో తీవ్ర కోపోద్రిక్తుడైన అతడు ఆమెను అంతం చేయాలనుకున్నాడు. ప్లాన్ వేసి మరీ చంపేశాడు. మృతదేహాన్ని మూడు ముక్కులు చేసి.. తలను చెత్తకుప్పలో వేశాడు. మిగిలిన భాగాలను మరో చోట పడేశాడు. చివరకు పోలీసులకు చిక్కి ఊచలు లెక్కబెడుతున్నాడు. ఈ ఘటన ఎక్కడ జరిగిందో మనం ఇప్పుడు తెలుసుకుందాం.

కోల్‌కతాలోని లస్కర్‌పారాకు చెందిన ఖతేజా బీబీకి 35 నుంచి 40 సంవత్సరాలు ఉంటాయి. అయితే ఈమెకు గతంలోనే పెళ్లి అయింది. ముగ్గురు పిల్లలు కూడా పుట్టారు. అయితే చాలా ఏళ్ల పాటు భర్తతో హాయిగా గడిపిన ఈమె.. గొడవల కారణంగా రెండేళ్ల క్రితమే భర్తకు దూరం అయింది. ప్రస్తుతం తన పిల్లలతో కలిసి జీవిస్తోంది. అయితే వారిని పోషించేందుకు ఆమె పనిమనిషిగా మారింది. ముఖ్యంగా డైమండ్ హార్బ్ నుంచి బఘజతిన్ స్టేషన్ వరకు మొత్తం 40 ఇళ్ల వరకూ ఉండేవి. అక్కడే ఆమె పని చేసుకునేది.

ఇలా పని కోసం ఆమె రోజూ లోకల్ రైలులో ప్రయాణించేది. ఆ సమయంలోనే ఆమె బావ అతికుర్ లస్కర్ కూడా పనికోసం వెళ్లేవాడు. పెయింటర్‌గా పనిచేస్తూనే మరికొన్ని ఇళ్లలో పని చేసేవాడు. ఇలా వీరిద్దరూ రోజూ కలుస్తుండేవారు. అప్పుడే అతికుర్ లస్కర్.. ఖతేజా బీబీపై కన్నేశాడు. ఆమెను ఎలాగైనా సరే దక్కించుకొని శారీరక సుఖం పొందాలనుకున్నాడు. ఇదే విషయాన్ని ఆమెకు చెప్పాడు. కానీ ఆమె తరచుగా అతడికి నో చెబుతూనే వస్తుంది. అయినా వదలకుండా అతడు ఫోన్‌లు చేసి వేధించడం ప్రారంభించాడు.

దీంతో ఓపిక కోల్పోయిన ఖతేజా బీబీ అతడి ఫోన్ నెంబర్‌ను బ్లాక్ చేసింది. అలాగే కనిపించినా మాట్లాడడం తగ్గించేసింది. దీంతో కోపోద్రిక్తుడైన అతడు ఆమెపై పగ పెంచుకున్నాడు. ఆమెను చంపాలనుకున్నాడు. ప్లాన్ వేసి దాన్ని అమలు చేసేందుకు ఆమె ఎక్కడికి వెళ్తున్నది గమనిస్తూనే ఉన్నాడు. అయితే డిసెంబర్ 12వ తేదీ రోజు మధ్యాహ్నం పనులు పూర్తి చేసుకుని ఇంటికి తిరుగు ప్రయాణమైంది ఖతేజా బీబీ. అది గుర్తించిన అతికుర్ లస్కర్.. ఆమెను వెంబడించాడు. మళ్లీ నిన్ను వేధించను ఇద్దరం కలిసి భోజనం చేద్దాం రమ్మంటూ చెప్పాడు.

ఆమె అందుకు ఒప్పుకోగా ఎవరూ లేని ఓ నిర్మాణ భవనానికి తీసుకువెళ్లాడు. అక్కడే నా ఫోన్ నెంబర్ ఎందుకు బ్లాక్ చేశావంటూ గొడవ పడ్డాడు. ఈక్రమంలోనే ఇద్దరి మధ్య వాగ్వాదం చెలరేగగా.. లస్కర్ తన వెంట తీసుకువెళ్లిన కత్తితో ఆమె తల నరికాడు. ఆపై మృతదేహాన్ని మరో రెండు ముక్కలు చేశాడు. ఈ కేసు నుంచి తప్పించుకోవడానికి తలను చెత్తకుప్పలో వేశాడు. మిగతా భాగాలను వేరే చోట పడేశాడు. అయితే చెత్తకుప్పలో తల దొరకడంతో.. పోలీసులు కేసు నమోదు చేసి దర్యాప్తు చేపట్టాడు. సీసీటీవీ కెమెరాల ఆధారంగా నిందితుడిని గుర్తించారు.

అలా లస్కర్‌ను అదుపులోకి తీసుకుని విచారించగా.. నేరం అంగీకరించాడు. ఖతేజా బీబీ మరిన్ని శరీర భాగాలు ఎక్కడ పేడాశాడో చెప్పగా.. పోలీసులు అక్కడకు వెళ్లి వాటిని స్వాధీనం చేసుకున్నారు. పోస్టుమార్టం నిమిత్తం ఆమె మృతదేహా భాగాలను స్థానిక ప్రభుత్వాసుపత్రికి తరలించారు. అయితే 12వ తేదీ ఆమెను హత్య చేసిన అతడు.. తనపై అనుమానం రాకూడదని 13వ తేదీన పనికి వెళ్లడం గమనార్హం.