15 రోజుల పాటు బ్యాంకులు బంద్.. జనవరి సెలవుల లిస్ట్ ఇదే.. పనుంటే ముందే చూసుకోండి

రిజర్వ్ బ్యాంక్ ఆఫ్ ఇండియా సర్క్యూలర్ ప్రకారం 2025, జనవరి నెలలో బ్యాంకులు భారీగానే సెలవులు ఉన్నాయి. ప్రతి సంవత్సరం సెలవుల జాబితాను ముందుగానే విడుదల చేసింది ఆర్‌బీఐ. దీని ప్రకారం దేశంలోని వివిధ బ్యాంకులకు జనవరి నెలలో 15 రోజుల పాటు సెలవులు ఉన్నాయి. ఇందులో సాధారణ సెలవులు, జాతీయ సెలవులు, ప్రాంతీయ సెలవులు ఉంటాయి. దీంతో ప్రాంతాలను బట్టి బ్యాంకు సెలవుల్లో తేడాలు ఉంటాయి. కొన్ని ప్రాంతాల్లో బ్యాంకులు పని చేస్తే కొన్ని ప్రాంతాల్లో సెలవులు ఉంటాయి. అందుకే తమ ప్రాంతంలో ఏ రోజు బ్యాంకులు మూసి ఉంటాయో తెలుసుకోవడం ఎంతైనా అవసరం. మరి జనవరి నెల సెలవుల గురించి తెలుసుకుందాం.

జనవరి 1వ తేదీ బుధవారం: న్యూ ఇయర్ సందర్భంగా వివిధ రాష్ట్రాల్లో బ్యాంకులకు సెలవు ఉంటుంది.

జనవరి 2వ తేదీ గురువారం: కొత్త సంవత్సరం సందర్భంగా మిజోరం, మన్నం జయంతి సందర్భంగా కేరళలో బ్యాంకులకు సెలవు ఉంటుంది.

జనవరి 5వ తేదీ ఆదివారం: దేశవ్యాప్తంగా బ్యాంకులకు ఆదివారం సాధారణ సెలవు ఉంటుంది.

జనవరి 6వ తేదీ సోమవారం: గురు గోవింద్ సింగ్ జయంతి సందర్భంగా హరియాణా, పంజాబ్ రాష్ట్రల్లో బ్యాంకులు బంద్

జనవరి 11వ తేదీ శనివారం: రెండో శనివారం సందర్భంగా దేశవ్యాప్తంగా బ్యాంకులకు సాధారణ సెలవు ఉంటుంది.

జనవరి 12వ తేదీ ఆదివారం: దేశవ్యాప్తంగా బ్యాంకులకు సెలవు ఉంటుంది. అలాగే అదే రోజు స్వామి వివేకనంద జయంతి వస్తోంది.

జనవరి 14వ తేదీ మంగళవారం: మకర సంక్రాంతి సందర్భంగా ఆంధ్రప్రదేశ్, తెలంగాణ సహా పలు రాష్ట్రాల్లో బ్యాంకులకు సెలవు ఉంటుంది. పొంగల్ సంద్భంగా తమిళనాడులోనూ బ్యాంక్ హాలీడే

జనవరి 15వ తేదీ బుధవారం: మంకర సంక్రాంతి సందర్భంగా ఏపీ, తెలంగాణ, మఘ్ బిహు సందర్భంగా అసోం, తిరువళ్లువార్ డే సందర్భంగా తమిళనాడులో బ్యాంకులకు సెలవు.

జనవరి 16వ తేదీ గురువారం: కనుమ సందర్భంగా ఏపీ, ఉజ్జవర్ తిరునాల్ సందర్భంగా తమిళనాడులో బ్యాంకులు బంద్.

జనవరి 19వ తేదీ ఆదివారం: దేశవ్యాప్తంగా బ్యాంకులు మూసి ఉంటాయి.

జనవరి 22వ తేదీ బుధవారం: ఇమో ఇను ఇరత్ప సందర్భంగా మణిపుర్‌లో బ్యాంకులకు సెలవు ఉంటుంది.

జనవరి 23వ తేదీ గురువారం : గాన్ నగై సందర్భంగా మణిపుర్, నేతాజీ సుభాష్ చంద్రబోష్ జయంతి సందర్భంగా త్రిపుర, ఒడిశా, పంజాబ్, సిక్కిం, బెంగాల్, జమ్ముకశ్మీర్, ఢిల్లీలో బ్యాంకులకు సెలవు ఉంటుంది.

జనవరి 25వ తేదీ శనివారం: నాలుగో శనివారం సందర్భంగా దేశవ్యాప్తంగా బ్యాంకులు మూసి ఉంటాయి.

జనవరి 26వ తేదీ ఆదివారం: రిపబ్లిక్ డే సందర్భంగా బ్యాంకులకు సెలవు

జనవరి 30వ తేదీ గురువారం: సోనమ్ లోసార్ సందర్భంగా సిక్కింలో బ్యాంకులకు సెలవు.

అయితే, జనవరిలో 15 రోజుల పాటు బ్యాంకులు మూసి ఉన్నప్పటికీ ఆయా రోజుల్లో డిజిటల్ సేవలు ఇంటర్నెట్ బ్యాంకింగ్, మొబైల్ బ్యాంకింగ్, యూపీఐ, ఏటీఎం వంటి అన్ని సేవలు యథావిధిగా అందుబాటులో ఉంటాయి. అయితే బ్యాంకుకు వెళాల్సిన వారు కచ్చితంగా పైన చెప్పిన సెలవు దినాలను తెలుసుకోవాలి. లేదంటే చివరి నిమిషంలో ఇబ్బందులు పడాల్సి వస్తుంది.