ఢిల్లీ ఎన్నికల వేళ,,,మరోసారి జైలునుంచి బయటకు వచ్చిన డేరా బాబా

డేరా బాబా అలియాస్ గుర్మీత్ రామ్ రహీమ్ సింగ్‌కు తాజాగా మరోసారి పెరోల్ వచ్చింది. ఇద్దరు భక్తులపై అత్యాచారం కేసులో దోషిగా తేలిన ఈయనకు న్యాయస్థానం 20 ఏళ్ల జైలు శిక్ష విధించగా.. ప్రస్తుతం జైల్లోనే ఉంటూ శిక్ష పొందుతున్నారు డేరా బాబా. అయితే ఢిల్లీ ఎన్నికలకు కొన్ని రోజుల ముందే ఈయనకు పెరోల్ లభించగా.. మంగళ వారం రోజు వేకుమ జామునే జైలు నుంచి విడుదల అయ్యారు. అయితే ఈ 30 రోజుల పాటు ఆయన ఎక్కడ ఉండబోతున్నారు, ఏం చేయబోతున్నారో మనం ఇప్పుడు తెలుసుకుందాం.

డేరా సచ్చా సౌదా  చీఫ్ గుర్మీత్ రాహ్ రహీమ్ సింగ్‌కు తాజాగా హర్యానా ప్రభుత్వం పెరోల్ ఇచ్చింది. 30 రోజుల పెరోల్ లభించగా.. మంగళ వారం వేకువ జామునే డేరా బాబా మరోసారి జైలు నుంచి బయటకు వచ్చారు. హర్యానాలోని రోహతక్ జైలు నుంచి రిలీజైన ఇతడు.. సర్సాలో ఉండే డేరా ప్రధాన కార్యాలయానికి వెళ్లారు. అయితే మొదటి పది రోజులు అక్కడే ఉండబోతున్న ఈయన.. ఆ తర్వాత 20 రోజల పాటు బాగ్‌పాత్‌లో ఉండబోతున్నట్లు సమాచారం. అయితే జైలుశిక్ష అనుభవిస్తున్నప్పటి నుంచి ఆయన సిర్సాకు వెళ్లడం ఇదే తొలిసారి.

ఇద్దరు భక్తులపై అత్యాచారానికి పాల్పడిన కేసులో గుర్మీత్ రామ్ రహీమ్ సింగ్ బాబాకు 20 ఏళ్ల జైలు శిక్ష పడింది. ఈక్రమంలోనే 2017లో ఆయన జైలుకు వెళ్లారు. అప్పటి నుంచి అక్కడే శిక్ష అనుభవిస్తున్న అతడికి పెరోల్ లభించడం ఇదే మొదటి సారి కాదు. గతేడాది అక్టోబర్ నెలలో కూడా డేరా బాబాకు హర్యానా సర్కారు పెరోల్ ఇచ్చింది. అయితే సిర్సాకు వెళ్లేందుకు ఆయనకు అనుమతి ఇవ్వలేదు.

యూపీలోని షా సత్నాం జీ ఆశ్రమం, డేరా సచ్చా సౌదా, బర్నావా, బాగ్‌పాత్‌లో ఉండేందుకు మాత్రమే అనుమతి లభించింది. ఇలా 20 రోజుల పాటు పెరోల్ పొందిన డేరా బాబా అలా జైలు నుంచి తొలిసారి బయటకు వచ్చారు. 20 రోజుల పాటు ఉత్తర ప్రదేశ్‌లోని బాగ్‌పత్ ఆశ్రమంలోనే ఉన్నారు.

మొదటి సారి డేరా బాబాకు పెరోల్ లభించిన సమయంలో హర్యానా అసెంబ్లీ ఎన్నికలు ఉండగా.. ఇప్పుడు దేశ రాజధాని ఢిల్లీలో అసెంబ్లీ ఎన్నికలు జరగబోతున్నాయి. అయితే శాసనసభ ఎన్నికలకు కొన్ని రోజుల ముందే గుర్మీత్ రామ్ రహీమ్ బాబాకు పెరోల్ రావడంతో అంతా ఆశ్చర్యపోతున్నారు. ఆయనకు ఎన్నికలకు ఏమైనా సంబంధం ఉందా అనే కోణంలో ఆలోచిస్తున్నారు. ఈక్రమంలోనే ఆయన 30 రోజుల పాటు ఎక్కడ ఉండబోతున్నారు, ఏం చేయబోతున్నారో తెలుసుకునేందుకు ప్రజలంతా ఆసక్తి కనబరుస్తున్నారు.