పరిశ్రమల్లో భద్రతా ప్రమాణాలు పాటించాలి

శ్రీకాకుళం జిల్లాలోని పరిశ్రమల్లో భద్రతా ప్రమాణాల అమలు తీరును పూర్తి స్థాయిలో పరిశీలిస్తామని కలెక్టర్‌ స్వప్నిల్‌ దినకర్‌ పుండ్కర్‌ హెచ్చరించారు. పారిశ్రామిక యూనిట్లలో రసా యన ప్రమాదాల నివారణకు పటిష్ట చర్యలు చేపట్టాల ని, ప్రజల భద్రతకు అత్యధిక ప్రాధాన్యం ఇవ్వాలని స్పష్టం చేశారు. ఈ మేరకు కలెక్టరేట్‌ సమావేశ మంది రంలో సోమవారం ఆయన సమావేశం నిర్వహించారు. ఈ సందర్భంగా కలెక్టర్‌ మాట్లాడుతూ అమ్మోనియా, క్లోరిన్‌, ఎల్పీజీ, బ్యుటెన్‌ వంటి మండే స్వభావం గల వాయువులను పెద్ద పరిమాణంలో వినియోగించే పరిశ్రమల్లో కట్టుదిట్టమైన భద్రతా ప్రమాణాలు ఉండాలన్నా రు. తరచూ మాక్‌ డ్రిల్‌ నిర్వహిం చాలని సూచించారు. విష వాయువు లు వెలువడే పరిశ్రమల్లో ఎప్పటి కప్పుడు భద్రతా ప్రమాణాలపై తని ఖీలు నిర్వహించాలని.. ఇప్పటికే పూ ర్తిచేసిన తనిఖీల నివేదిక ఆధారంగా అన్ని పరిశ్రమలు మార్గదర్శకాలు పా టించేలా చర్యలు తీసుకోవాలని ఆదే శించారు. జిల్లా సంక్షోభ నివారణ క మిటీ విపత్తు నిర్వహణ, సంక్షోభాల నివారణకు పూర్తి బాధ్యత వహిస్తుం దన్నారు. అత్యవసర సమయాల్లో వైద్య సదుపాయాలను అందుబాటులో ఉంచాలని సూచించారు. ఆసుపత్రుల్లో మందులు, సిబ్బంది, అంబులెన్స్‌, అవసరమైన ఇతర సదుపాయాలు ఏమేరకు ఉండాలనే అంశాలపై సమీక్షిం చారు. భద్రతా ప్రమాణాలపై సూచనలిచ్చారు. ఈ కార్యక్రమంలో డిప్యూటీ చీఫ్‌ ఇన్‌స్పెక్టర్‌ ఆఫ్‌ ప్యాక్టరీస్‌ బి.రాంబాబు, జె.శివశంకరరెడ్డి, డీఆర్వో ఎం.వెంకటేశ్వర రావు, జిల్లా అగ్నిమాపక అధికారి మోహనరావు, సమాచార పౌర సంబంధాల అధికారి కె.చెన్నకేశవరావు, సివిల్‌ డిఫెన్స్‌ అధికారి కె.పద్మలత, డిప్యూటీ చీఫ్‌ కంట్రోలర్‌ ఆఫ్‌ ఎక్స్‌ప్లోజివ్స్‌ జె.సర్కార్‌, వ్యవసాయాధికారి కోరాడ త్రినాథస్వామి, పొల్యూషన్‌ అధికారి కరుణశ్రీ, విపత్తుల నిర్వహణ డీపీఎం పి.రాము, పరిశ్రమల కేంద్రం మేనేజర్‌ ఉమామహేశ్వరరావు, డీఎంహెచ్‌ఓ బాలము రళీకృష్ణ, వివిధ పరిశ్రమల యాజమాన్య ప్రతినిధులు హాజరయ్యారు.