చిలగడదుంపతో ఆరోగ్య ప్రయోజనాలు
Health beauty | Suryaa Desk | Published : Tue, Feb 18, 2025, 08:15 PM
చిలగడదుంప/ స్వీట్ పొటాటోలో పోషకాలు పుష్కలంగా ఉంటాయి. వీటిని తరచుగా తినడం వల్ల శరీరానికి అవసరమైన విటమిన్ ఎ అధికంగా లభిస్తుంది. అలాగే గర్భిణులకు చాలా మంచిది. వారు వారానికి ఒకసారి తినడం వల్ల బిడ్డకు, తల్లికి అవసరమైన శక్తి అధిక మొత్తంలో అందుతుంది. ఇందులో బీటా-కెరోటిన్ ఉండటం వల్ల కంటి చూపు, రోగనిరోధక వ్యవస్థ, గుండె, లంగ్స్ పనితీరును మెరుగుపరుస్తుంది.
బీపీని తగ్గించే, నొప్పులను నివారించే చిలగడదుంప
చిలగడదుంపలలో పొటాషియం ఎక్కువగా ఉంటుంది. ఇది మన హైబీపీని తగ్గించడానికి బాగా ఉపయోగపడుతుంది. ఇందులో ఉండే ఆంథోసైనిన్స్ అనే యాంటీ ఆక్సిడెంట్లు మన శరీరంలో వాపులను, నొప్పులను తగ్గించడానికి ఉపయోగపడతాయి. చిలగడదుంపలు కొన్ని రకాల క్యాన్సర్ల నుండి మనల్ని రక్షిస్తాయి. చిలగడదుంపలు తినడం వల్ల మన మెదడు పనితీరు మెరుగుపడుతుంది.
చిలకడదుంపలు ఫ్రీ రాడికల్ డ్యామేజ్ ను తగ్గించి మన ఆరోగ్యానికి బాగా దోహదం చేస్తాయి. చిలగడదుంపలు మన రోగ నిరోధక శక్తిని మెరుగుపరుస్తాయి. మన శరీరాన్ని కాలానుగుణ వ్యాధుల నుంచి కాపాడతాయి. ఊబకాయంతో బాధపడే వారికి ఇది ఎంతో బాగా పనిచేస్తుంది. చిలగడదుంపని ఆహారంగా తీసుకోవడం వల్ల మన కడుపు నిండుగా ఉన్న ఫీలింగ్ కలిగి ఎక్కువ ఆహారాన్ని తీసుకోకుండా ఉంటాము.
|
|