తక్కువ ధరకే ఎయిరిండియా విమాన టికెట్లు.. ఒక్కరోజే ఛాన్స్

దేశీయ అతిపెద్ద విమానయాన సంస్థ ఎయిరిండియా మరో ఆఫర్ తీసుకొచ్చింది. ఫ్లైట్ బుకింగ్స్‌, సీట్ల ఎంపిక వంటి వాటిపై స్పెషల్ ఆఫర్స్ అందిస్తోంది. హ్యాపీ ఆఫర్స్ ఫర్ హ్యాపీ జర్నీస్ అంటూ విమాన టికెట్లపై భారీ తగ్గింపు అందిస్తోంది. ఎంపిక చేసిన రూట్లపై విమాన టికెట్లపై 15 శాతం వరకు డిస్కౌంట్ పొందవచ్చని తెలిపింది. ఈ ఆఫర్ బుకింగ్ ఇప్పటికే మొదలవగా ఫిబ్రవరి 21, 2025 వ తేదీ అర్ధరాత్రి వరకు అందుబాటులో ఉంటుందని ఎయిరిండియా తెలిపింది. మరి ఆఫర్ పూర్తి వివరాలు ఇప్పుడే తెలుసుకుందాం.

ఎయిరిండియా అధిరాకి వెబ్‌సైట్ లేదా యాప్ ద్వారా టికెట్లు బుకింగ్ చేసుకున్నట్లయితే విమానటికెట్లపై 15 శాతం డిస్కౌంట్ పొందవచ్చని తెలిపింది. ఇద్దరు లేదా ముగ్గురితో ప్రయాణించిన సమయంలో సీట్ల ఎంపికపై 20 శాతం వరకు డిస్కౌంట్ అందిస్తున్నట్లు తెలిపింది. అలాగే ఎయిరిండియా యాప్ ద్వారా డొమెస్టిక్ రూట్లలో టికెట్లు బుకింగ్ చేసుకుంటే జీరో కన్వీనియెన్స్ ఫీ ఉంటుందని, అంటే ఎలాంటి అదనపు ఛార్జీలు చెల్లించాల్సిన అవసరం లేదని పేర్కొంది. వీటితో పాటు ఎయిరిండియా వెబ్‌సైట్ లేదా యాప్ ద్వారా ప్రోమో కోడ్ FLYAI ఉపయోగించి ఒక్కో ప్రయాణికుడు రూ. 1000 వరకు అదనపు డిస్కౌంట్ పొందవచ్చని పేర్కొంది.

ఈ ఆఫర్ కింద టికెట్లు బుకింగ్ చేసుకునేందుకు ఫిబ్రవరి 21 అర్ధరాత్రి 23.59 గంటల వరకు అవకాశం ఉంటుందని ఎయిరిండియా తెలిపింది. అలాగే ప్రోమో కోడ్ FLYAI అనేది ఎంపిక చేసిన దేశీయ, అంతర్జాతీయ రూట్లలోనే వర్తిస్తుందని తెలిపింది. అలాగే ప్రోమో కోడ్ అనేది బేస్ ఫేర్ ‌పై వర్తిస్తుందని పేర్కొంది. అలగే ఈ ఆఫర్ అనేది పెద్దలు, పిల్లలకు వర్తిస్తుందని, పసిపాపలకు వర్తించదని పేర్కొంది. ఈ ప్రత్యేక ఆఫర్ అనేది ఎయిరిండియా వెబ్‌సైట్, మొబైల్ యాప్‌లో మాత్రమే అందుబాటులో ఉంటుందని స్పష్టం చేసింది. అలాగే పరిమిత సంఖ్యలో సీట్లు మాత్రమే అందుబాటులో ఉన్నాయని, ముందుగా బుక్ చేసుకున్న వారికే డిస్కౌంట్ ఇస్తామని పేర్కొంది.