1001 రోజుల ఎఫ్‌డీ స్కీమ్.. ఏకంగా 9.50 శాతం వడ్డీ.. 5 లక్షలకు ఎంతొస్తుంది

సురక్షితమై పెట్టుబడి మార్గాల్లో ఫిక్స్‌డ్ డిపాజిట్లు ముందు వరుసలో ఉంటాయి. స్థిరమైన, గ్యారెంటీ రాబడి ఉండాలనుకునే వారు బ్యాంకులు, ఇతర ఆర్థిక సంస్థల్లో ఫిక్స్‌డి డిపాజిట్లు చేస్తుంటారు. ప్రస్తుతం బ్యాంకులు మంచి వడ్డీ రేట్లు కల్పిస్తున్నాయి. అయితే, రిజర్వ్ బ్యాంక్ ఆఫ్ ఇండియా ఇటీవలే కీలక పాలసీ రేటును తగ్గించింది. దీంతో ఎస్‌బీఐ వంటి పెద్ద బ్యాంకులు డిపాజిట్ల వడ్డీ రేట్లను తగ్గిస్తున్నాయి. దీంతో రాబడి తగ్గిపోతుంది. అయితే, పెద్ద పెద్ద బ్యాంకులతో పోలిస్తే యూనిటీ స్మాల్ ఫైనాన్స్ బ్యాంక్ అధిక వడ్డీ రేట్లు కల్పిస్తోంది. స్పెషల్ టెన్యూర్ డిపాజిట్ స్కీమ్ ద్వారా ఏకంగా 9.50 శాతం వరకు వడ్డీ ఆఫర్ చేస్తోంది.

రెగ్యులర్ కస్టమర్లకు 7 రోజుల నుంచి 10 సంవత్సరాల కాలపరిమితి గల డిపాజిట్లపై 4 శాతం నుంచి 9 శాతం వరకు వడ్డీ ఆఫర్ చేస్తోంది యూనిటీ స్మాల్ ఫైనాన్స్ బ్యాంక్. సీనియర్ సిటిజన్లకు అయితే అదనంగా మరో 50 బేసిస్ పాయింట్లు వడ్డీ ఇస్తోంది. అంటే 4.5 శాతం నుంచి 9.50 శాతం వరకు వడ్డీ పొందవచ్చు. 1001 రోజుల స్పెషల్ టెన్యూర్ ఎఫ్‌డీ గరిష్ఠ వడ్డీ రేటు 9 శాతం, 9.50 శాతం వడ్డీ ఆఫర్ చేస్తోంది. కనీసం రూ.10 వేల నుంచి రూ. 3 కోట్ల వరకు ఎంతైనా డిపాజిట్ చేయవచ్చు. రూ.3 కోట్ల వరకు రిటైల్ డిపాజిట్లుగా పరిగణిస్తారు.

యూనిటీ స్మాల్ ఫైనాన్స్ వడ్డీ రేట్లు..

6 నెలల నుంచి 201 రోజులకు 8.75 శాతం మేర వడ్డీ ఇస్తోంది.

501 రోజుల డిపాజిట్లకు 8.75 శాతం, 701 రోజులకు 8.95 శాతం వడ్డీ అందిస్తోంది.

1001 రోజుల స్పెషల్ స్కీమ్ ద్వారా 9 శాతం వడ్డీ ఇస్తోంది.

1002 రోజుల నుంచి 3 ఏళ్ల టెన్యూర్లపై 8.15 శాతం వడ్డీ అందిస్తోంది.

3 ఏళ్ల నుంచి 5 సంవత్సరాల వరకు 8.15 శాతం వడ్డీ అందిస్తోంది.

రూ.5 లక్షలకు ఎంతొస్తుంది?

యూనిటీ స్మాల్ ఫైనాన్స్ బ్యాంక్ అందిస్తోన్న 1001 రోజులు ( 2 సంవత్సరాల 9 నెలల ఒక రోజు) స్పెషల్ డిపాజిట్ స్కీమ్‌లో సాధారణ కస్టమర్ రూ.5 లక్షలు జమ చేస్తే అతనికి 9 శాతం వడ్డీ వర్తిస్తుంది. దీని ప్రకారం టెన్యూర్ ముగిసిన తర్వాత వడ్డీ రూ.1,23,800 వస్తుంది. వడ్డీ అసలు కలిపి రూ.6,12,800 వరకు అందుతాయి. 60 ఏళ్ల వయసు పైబడిన సీనియర్ సిటిజన్ రూ.5 లక్షలు జమ చేసినట్లయితే వడ్డీ 9.5 శాతం వర్తిస్తుంది. మెచ్యూరిటీ టెన్యూర్ ముగిసిన తర్వాత వడ్డీ రూ.1,30,660 లభిస్తుంది. అసలు, వడ్డీ కలిపి మొత్తంగా రూ.6,30,600 వరకు వస్తాయి.