వంటల్లో నూనె తగ్గించాలని ప్రధాని నరేంద్ర మోడీ 10 మంది సెలబ్రిటీలకు ఛాలెంజ్

బెల్లీ కొంతమందికి ఇబ్బంది కలిగించకపోవచ్చు. కానీ, దీని వల్ల చాలా సమస్యలొస్తాయి. శరీరంలో కొవ్వు పెరగడం వల్ల మొదట్లో అధికంగా బరువు పెరుగుతారు. ఇదే ఊబకాయానికి కారణమవుతుంది. ప్రపంచంలోనే అతి పెద్ద ఆరోగ్య సమస్య ఏదైనా ఉందంటే అది ఊబకాయమే. దీని వల్లే చాలా తీవ్రమైన సమస్యలొస్తాయి.

ఈ సమస్యని గుర్తించిన ప్రధాని నరేంద్ర మోడీ దీన్ని ఎలా ఎదుర్కోవాలో చెప్పారు. చాలా మంది వంట్లో ఎక్కువగా నూనెలు వాడుతున్నారు. ఇది బాధపెట్టే విషయం. ఇందుకుంటే ఈ కారణంగా కొలెస్ట్రాల్ పెరుగుతుంది. దీంతో ఊబకాయం, గుండెజబ్బులు, స్ట్రోక్, షుగర్ వంటి సమస్యలు కూడా వస్తున్నాయన్నారు మోడీ. ‘మన్ కీ బాత్‌’లో దీనిపై మాట్లాడుతూ 10 మంది సెలబ్రిటీలకు తక్కువ నూనెలు వాడాలంటే చాలెంజ్ విసిరారు. అసలు నూనె వాడకాన్ని తగ్గించడం ఎందుకంత ముఖ్యమో తెలుసుకుందాం.

నూనె తగ్గిస్తే

వంటల్లో నూనెని తగ్గిస్తే ఊబకాయం నుంచి బయటపడొచ్చు. వంటల్లో నూనె తగ్గించడాన్ని కుటుంబం పట్ల బాధ్యతగా మోడీ చెప్పారు. ఎక్కువగా నూనె వాడితే గుండె సమస్యలు, షుగర్, బీపి వంటి వస్తాయి. అలాంటి వాటి నుంచి తప్పించుకునేందుకు ఆహారంలో చిన్న చిన్న మార్పులు చేసి హెల్దీగా, ఫిట్‌గా, ఆరోగ్య సమస్యలకి దూరంగా ఉండొచ్చని చెబుతున్నారు.

ఎవరికి ఛాలెంజ్

ప్రధాని నరేంద్ర మోడీ ‘మన్ కీ బాత్’‌‌లో మాట్లాడుతూ పదిమందిని నూనె తగ్గించాలని వారు తమ ఫుడ్‌లో 10 శాతం నూనె తగ్గిస్తారో లేదో చూడాలని, ఫ్యూచర్‌లో ఈ పది మంది కూడా కొత్తవారికి ఛాలెంజ్ విసరాలని కోరుకుంటున్నట్లు చెప్పారు. ఊబకాయంతో పోరాడడంలో ఇది చాలా బాగా పనిచేస్తుందని మోడీ అన్నారు. ఆయన ఛాలెంజ్ విసిరిన వారిలో

ఆనంద్ మహీంద్రామనుభాకర్మోహన్ లాల్దినేష్ లాల్ యాదవ్ నిర్హువానందన్ నీలేకనిమీరాబాయి చానుఒమర్ అబ్దుల్లాఆర్ మాధవన్సుధా మూర్తి శ్రేయా ఘోషల్‌లు ఉన్నారు.

వంటనూనెల్లోని ప్రమాదకర పదార్థాలు

వంట నూనెల్లో ఎక్కువగా ట్రాన్స్ ఫ్యాట్ ఉంటుంది. ఇది అత్యంత ప్రమాదకరమైన కొవ్వు రకం. ట్రాన్స్ ఫ్యాట్ ఎక్కువగా ఉండే ఫుడ్ ఊబకాయానికి కారణమవుతుందని ఎన్నో పరిశోధనలు చెబుతున్నాయి. దాంతో పాటు అనేక సమస్యలు కూడా వస్తాయి. కాబట్టి, ఊబకాయాన్ని తగ్గించేందుకు నూనె వాడకాన్ని తగ్గించాలి.

నూనెలతో

నూనెలోని కొవ్వు లిపిడ్ ప్రొఫైల్‌ని పెంచుతుంది. ఇది చెడు కొలెస్ట్రాల్, ట్రైగ్లిజరైడ్ స్థాయిలను పెంచుతుంది. దీని వల్ల గుండె సమస్యలు, గుండెపోటు, స్ట్రోక్, డయాబెటిస్ వంటి సమస్యలు వస్తాయి. కొలెస్ట్రాల్ సిరల్లో పేరుకుపోవడం వల్ల బీపి కూడా పెరుగుతుంది. కాబట్టి, వంట నూనెల్ని తగ్గించి వాడడం చాలా మంచిది.

దీంతో పాటు

ఊబకాయాన్ని తగ్గించేందుకు పండ్లు, కూరగాయలు, హోల్ గ్రెయిన్స్, లీన్ ప్రోటీన్ వంటి బ్యాలెన్స్‌డ్ ఫుడ్ తీసుకోవడం మంచిది. అదే విధంగా, 60 నిమిషాల వర్కౌట్ చేయాలి. స్క్రీన్ టైమ్‌ని కూడా తగ్గించి మంచి హెల్దీ లైఫ్‌స్టైల్ ఫాలో అయితే బరువు కంట్రోల్‌లో ఉంటుందని నిపుణులు చెబుతున్నారు. గమనిక:ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఇవి పాటించడం వల్ల ఫలితాలు అనేవి వ్యక్తిగతం మాత్రమే. వీటిని పాటించే ముందు డైటీషియన్‌ని సంప్రదించడమే ఉత్తమ మార్గం. గమనించగలరు.