రైల్లో పడుకున్న వ్యక్తిని ముద్దు పెట్టుకున్న ప్రయాణికుడు

సాధారణంగా పలువురు పురుషులు.. మహిళలను లక్ష్యంగా చేసుకుని ఆకతాయి పనులు చేస్తుంటారు. బస్సులు, ఆటోలు, రైళ్లలో ప్రయాణిస్తుండగా వారిని ఇష్టం వచ్చినట్లుగా తాకుతూ, వీలైతే ముద్దులు పెడుతూ రచ్చ చేస్తుంటారు. అలాగే చేశాడో వ్యక్తి. అయితే అందరిలాగా అమ్మాయిని కాకుండా అబ్బాయిని ముద్దు పెట్టుకున్నాడు. పైళ్లి చేసుకున్న భార్య పక్కన ఉండగానే.. నిద్రలో ఉన్న తోటి ప్రయాణికుడితో అసభ్యంగా ప్రవర్తించాడు. అతడి ఒళ్లంతా తడుముతూ రచ్చ చేశాడు. విషయం గుర్తించిన బాధితుడు గొడవ చేయగా.. నువ్వు నాకు నచ్చావు, అందుకే ఇలా చేశానంటూ చెప్పాడు. ప్రస్తుతం ఈ వీడియో నెట్టింట వైరల్ అవుతోంది. ఆ పూర్తి వివరాలు మీకోసం.

నిర్మల్ మిశ్రా అనే యువకుడు పూణే-హతియా ఎక్స్‌ప్రెస్ రైల్లో వెళ్తున్నాడు. అయితే అర్థరాత్రి సమయం కావడంతో తన బెర్తుపై పడుకున్నాడు. ఈ సమయంలోనే కింది బెర్తులో ఛత్తీస్‌గఢ్‌కు చెందిన ఓ 33 ఏళ్ల వ్యక్తి పడుకున్నాడు. పక్క బెర్తుపైనే అతడి భార్య కూడా నిద్రిస్తోంది. అయితే ముందు నుంచి నిర్మల్ మిశ్రాను చూస్తున్న సదరు వ్యక్తి.. ఒక్కసారిగా అతడి వద్దకు వెళ్లాడు. వెంటనే ముద్దు పెట్టుకుని అతడి శరీరాన్ని తడమడం ప్రారంభించాడు. దీంతో నిర్మల్ మిశ్రాకు మెల్కువ రాగా.. నిందితుడు చేసేది చూసి బిత్తరపోయాడు.

 వెంటనే తేరుకుని ఏం చేస్తున్నావని గొడవ చేశాడు. నన్నెందుకు ముద్దు పెట్టుకున్నావంటూ గద్దించాడు. మిశ్రా అరుపులతో అక్కడి కంపార్టుమెంటులోని ప్రయాణికులు అంతా అక్కడకు చేరగా.. ఏమైందని ప్రశ్నించారు. అప్పుడే మిశ్రా.. కింద ఉన్న వ్యక్తిని చూపిస్తూ తనను ముద్దు పెట్టుకున్నాడని, ఒళ్లంతా తడిమాడని చెప్పాడు. ముఖ్యంగా నిందితుడిని చూస్తూ.. ఎందుకిలా చేశావని అడిగాడు. అందుకు ఆ వ్యక్తి నాకు నువ్వు నచ్చావు, చేయాలనిపించింది కాబట్టే అలా చేశానని చెప్పాడు. అప్పటికే నిద్ర లేచిన నిందితుడి భార్య కూడా ఈ ఘటనతో షాక్ అయింది.

కానీ తన భర్తను ఏమీ చేయొద్దంటూ నిర్మల్ మిశ్రాను బతిమాలింది. కానీ వ్యక్తి చెప్పిన సమాధానంతో మరింత కోపం తెచ్చుకున్న మిశ్రా అతడిని కొట్టేందుకు సిద్ధమయ్యాడు. ఈక్రమంలోనే నిందితుడి భార్య వారిని ఆపింది. వద్దు వదిలేయమంటూ కన్నీళ్లు పెట్టుకుంది. ప్రస్తుతం ఈ వీడియో నెట్టింట వైరల్ అవుతుండగా.. ఒక్కొక్కరూ ఒక్కో విధంగా స్పందిస్తున్నారు. ఇదే అమ్మాయిలకు జరిగితే అంతా స్పందించేవారని కొందరు, అబ్బాయిల పరిస్థితే ఇలా ఉందంటే ఇక మహిళల పరిస్థితి ఎలా ఉంటుందో ప్రత్యేకంగా చెప్పాల్సిన అవసరం లేదని మరికొందకు కామెంట్లు చేస్తున్నారు. అసలు రైల్వే పోలీసులకు ఎందుకు ఫిర్యాదు చేయలేదు భయ్యా అని ఓ నెటిజెన్ కామెంట్ చేయగా.. ఇది చాలా హాస్యాస్పదంగా ఉందంటూ మరో వ్యక్తి చెప్పుకొచ్చాడు. మరి ఈ వీడియో చూస్తే మీకేం అనిపిస్తుందో కామెంట్ల రూపంలో వెల్లడించేయండి.