విమానంలో బట్టలిప్పి.. నగ్నంగా తిరుగుతూ మహిళా ప్రయాణికురాలి రచ్చ

విమానంలో ప్రయాణిస్తున్న ఓ మహిళ ఉన్నట్టుండి అనూహ్యంగా ప్రవర్తించింది. ఎవరూ ఊహించని స్థాయిలో బట్టలు విప్పేసి పూర్తి నగ్నంగా మారిపోయింది. ఆపై విమానంలో అరుస్తూ.. అటూ ఇటూ తిరగుతూ తనన దింపేయాలని రచ్చ చేసింది. ముఖ్యంగా విమాన తలుపులను పదే పదే బాదుతూ రెచ్చిపోగా.. తోటి ప్రయాణికులు తీవ్ర భయాందోళనకు గురయ్యారు. వద్దని వారించారు. విమాన సిబ్బంది కూడా ఆమెను ఆపబోయారు. కానీ సదరు మహిళ మాత్రం దాదాపు అరగంట పాటు నగ్నంగానే ఉండిపోయింది. ప్రస్తుతం ఇందుకు సంబంధించిన వీడియో నెట్టింట వైరల్ అవుతోంది. ఆ పూర్తి వివరాలు మీకోసం.

హ్యూస్టన్‌లోని విలియమ్ పీ హాబీ విమానాశ్రయం నుంచి ఫీనిక్స్ వెళ్తున్న సౌత్‌వెస్ట్ ఎయిర్ లైన్స్‌కు చెందిన ఓ విమానం టేకాఫ్ అవుతోంది. సరిగ్గా అదే సమయంలో ఓ మహిళ బిగ్గరగా కేకలు వేయడం ప్రారంభించింది. తన ఒంటిపై ఉన్న బట్టలు అన్నీ విప్పేసి పూర్తి నగ్నంగా మారింది. విమానంలో అటూ, ఇటూ తిరుగుతూ పెద్ద పెద్దగా కేకలు వేసింది. ముఖ్యంగా కాక్‌పిట్ డోర్ వద్దకు వెళ్లి దాన్ని బాదుతూ తనను దించేయాలని విమాన సిబ్బందిని కోరింది. విషయం గుర్తించిన విమాన సిబ్బంది ఆమెను అడ్డుకోబోయారు.

కానీ సదరు మహిళ మాత్రం వారిని తోసేస్తూ.. తన నగ్న శరీరంతోనే వారిని తాకింది. దీంతో భయపడిన విమాన సిబ్బంది సైతం పక్కకు జరిగారు. ఉన్నట్లుండి ఓ మహిళ ఇంత విచిత్రంగా ప్రవర్తించడం చూసిన తోటి ప్రయాణికులు అంతా తీవ్ర దిగ్ర్భాంతికి గురయ్యారు. ముఖ్యంగా విమానంలో ఉన్న చిన్న పిల్లలు అయితే ఏడుపు ప్రారంభించారు. దీంతో చేసేదేమీ లేక పైలెట్లు విమానాన్ని వెనక్కి మళ్లించారు. ఒంటిపై ఓ దుప్పటి కప్పి మరీ ఆమెను విమానంలోంచి దింపేశారు.

ఆపై హ్యూస్టన్ పోలీసులకు అప్పగించారు. కానీ సదరు మహిళ తప్పించుకునేందుకు ప్రయత్నించింది. కానీ పోలీసులు ఆమెను వెంబడించి పట్టుకున్నారు. ఆపై మానసిక వైద్య కేంద్రానికి తరలించారు. ఇదంతా ఇలా ఉండగా.. మహిళ చేస్తున్న రచ్చనంతా ఓ ప్రయాణికుడు వీడియోగా తీశాడు. ఆపై దాన్ని సోషల్ మీడియాలో పెట్టగా నెట్టింట వైరల్ అయింది. ఇది చూసిన ప్రతీ ఒక్కరూ షాక్ అవుతున్నారు. అసలు ఓ మహిళ ఇలా ఎలా చేయగల్గింది అంటూ కామెంట్లు చేస్తున్నారు.

మరోవైపు మహిళ చేసిన పనితో విమానం 90 నిమిషాలు ఆలస్యం అయిందని ప్రయాణికులు ఆందోళన వ్యక్తం చేశారు. ఆమె వల్ల అనేక మంది సమయం వృధా అయిందని వివరించారు. దీనిపై సౌత్‌వెస్ట్ ఎయిర్‌లైన్స్ కూడా స్పందించింది. విమానం 90 నిమిషాలు ఆలస్యం కావడానికి చింతిస్తున్నామని చెప్పుకొచ్చింది.