అలహాబాద్ హైకోర్టుకు జస్టిస్ యశ్వంత్ వర్మ బదిలీ

దేశ రాజధాని ఢిల్లీ హైకోర్టు న్యాయమూర్తి యశ్వంత్ వర్మ అధికారిక బంగ్లాలో పెద్ద ఎత్తున నోట్ల కట్టలు ఉన్నట్లు వార్తలు వచ్చాయి. దీంతో దేశ వ్యాప్తంగా సంచలనం రేగింది. ఈక్రమంలోనే ఆయన్ను బదిలీ చేశారంటూ వార్తలు రాగా.. తీవ్ర వ్యతిరేకత వచ్చింది. దీంతో వెనక్కి తగ్గిన సుప్రీం కోర్టు కొలీజియం.. మరోసారి ఈ సూచన చేసింది. ముఖ్యంగా సోమవారం రోజు జస్టిస్ యశ్వంత్ వర్మను అలహాబాద్ హైకోర్టుకు బదిలీ చేయాలని తెలిపింది. అయితే దీనిపై కేంద్రం ఆమోదం లభించాకే అధికారిక ప్రకటన విడుదల చేయోతున్నారు. ఆ పూర్తి వివరాలు మీకోసం.

మార్చి 14వ తేదీన న్యాయమూర్తి జస్టిస్ వర్మ అధికారక నివాసం అగ్ని ప్రమాదం జరిగింది. అయితే మంటలు ఆర్పేందుకు వెళ్లిన సిబ్బందికి అనుకోకుండా ఓ గదిలో పెద్ద మొత్తంలో నోట్ల కట్టలు కనిపించాయి. కాస్త ఆలస్యంగానే ఈ వార్త వెలుగులోకి రాగా.. పెద్ద ఎత్తున సంచలనంగా మారింది. ముఖ్యంగా సుప్రీం కోర్టు కొలీజియం దీనిపై అత్యవసర విచారణ ప్రారంభించింది. జస్టిస్ యశ్వంత్ వర్మను అలహాబాద్ హైకోర్టుకు బదిలీ చేసే ప్రక్రియను ప్రారంభించినట్లు ఇంతకు ముందే ప్రకటించింది.

కానీ ఈ బదలీపై తీవ్ర వ్యతిరేక వచ్చింది. ముఖ్యంగా కొలీజియంలోని కొందరు సభ్యులే దీనికి అంగీకరించ లేదు. మరోవైపు ఢిల్లీలోని అలహాబాద్ హైకోర్టు బార్ అసోసియేషన్ ఈ బదిలీని తీవ్రంగా వ్యతిరేకించింది. అలహాబాద్ హైకోర్టు చెత్తకుప్ప కాదంటూ వ్యాఖ్యానించింది. అయితే తాజాగా దీనిపై స్పందించిన ఢిల్లీ హైకోర్టు రిజిస్ట్రీ.. జస్టిస్ యశ్వంత్ వర్మను న్యాయపరమైన విధులకు దూరంగా ఉంచాలని నిర్ణయించినట్లు ప్రకటించింది. అయితే తదుపరి ఉత్తర్వులు వచ్చే వరకు అది అమల్లో ఉంటుందని స్పష్టం చేసింది.

ఇది జరిగిన కాసేపటికే సుప్రీం కోర్టు కొలీజియం స్పందించింది. ముఖ్యంగా జస్టిస్ యశ్వంత్ వర్మను అలహాబాద్ హైకోర్టుకు బదిలీ చేయాలని సూచించింది. అంతేకాకుండా ఈ నిర్ణయానికి భారీ నగదు కట్టల కేసుకు సంబంధించిన అంతర్గత విచారణకు ఎలాంటి సంబంధం లేదని స్పష్టం చేసింది. భారత ప్రధాన న్యాయమూర్తి, నలుగురు సీనియర్ న్యాయమూర్తులతో కూడిన కొలీజియం మార్చి 20వ తేదీన బదిలీ ప్రతిపాదనను పరిశీలించింది.

ఆ తర్వాత కన్సల్టీ న్యాయమూర్తులు, సంబంధిత హైకోర్టుల ప్రధాన న్యాయమూర్తులు మరియులు జస్టిస్ వర్మకు లేఖలు పంపారు. ఈ తీర్మానాన్ని ఆమోదించడానికి ముందే ప్రతి స్పందనలను పరిశీలించామని.. కేంద్రం నిర్ణయం తర్వాత అధికారికంగా ప్రకటన చేస్తామని చెప్పింది.