షాంపూ తర్వాత ఇలా చేస్తే తెల్ల జుట్టు కాస్తా నల్లగా మారుతుంది

వయసు పెరిగేకొద్దీ జుట్టు తెల్లబడుతుంది. అయితే, ఈ మధ్యకాలంలో చిన్న వయసులోనే జుట్టు తెల్లబడుతుంది. దీంతో చాలా మంది ఓ రకమైన ఇన్‌సెక్యూర్‌గా ఫీల్ అవుతున్నారు. దీంతో అప్పటికప్పుడు హెయిర్ కలర్ వంటి కెమికల్స్ ఉన్న పరిష్కారాలపై దృష్టి పెడుతున్నారు. దీని వల్ల సమస్య మరింత పెరుగుతుంది. అలా కాకుండా నేచురల్‌గానే జుట్టుని నల్లబరుచుకోవాలంటే ఎలాంటి టిప్స్ ఫాలో అవ్వాలో తెలుసుకోండి.

తెల్లజుట్టుకి కారణాలు

జన్యుకారక సమస్యలు

అధిక బరువు కారణంగా తెల్లజుట్టు త్వరగా వస్తుంది

సిగరేట్ తాగేవారికి కూడా సమస్య ఉంటుంది

ఒత్తిడి కారణంగా కూడా త్వరగా జుట్టు తెల్లబడుతుంది.

విటమిన్స్ లోపం, విటమిన్ బి12 వంటి కారణంగా జుట్టు త్వరగా తెల్లబడుతుంది.

విటిలిగో, అలోపేసియా వంటి సమస్యల వల్ల కూడా జుట్టు త్వరగా తెల్లబడుతుంది.

ఆమ్లా ఆయిల్, పొడి

తెల్లజుట్టుని కవర్ చేయడంలో ఆమ్లా ఆయిల్, పౌడర్ చాలా బాగా హెల్ప్ చేస్తుంది. ఉసిరిలో ఎక్కువగా విటమిన్ సి కంటెంట్ ఉంటుంది. ఇది తెల్లజుట్టుని తగ్గించి చిన్నవయసులోనే తెల్ల జుట్టుని తగ్గిస్తుంది. దీనికోసం ఉసిరి నూనెని మీరు తలకి అప్లై చేయొచ్చు. లేదా ఉసిరిపొడిని నీరు కలపి మాస్క్‌లా తయారుచేసి హెయిర్ మాస్క్ వాడొచ్చు.

కరివేపాకు

కరివేపాకుల్లో యాంటీ ఆక్సిడెంట్స్, ప్రోటీన్స్ పుష్కలంగా ఉంటాయి. ఇవి జుట్టు కుదుళ్ళలో మెలనిన్‌ని ఉత్పత్తి చేస్తాయి. దీంతో త్వరగా జుట్టు తెల్లబడకుండా ఉంటుంది. జుట్టుకి రంగు వేయడానికి సహజ మార్గంగా కరివేపాకు పనిచేస్తుంది. కొబ్బరి లేదా నువ్వుల నూనెలో కరివేపాకు వేసి వేడి చేయాలి. దీనిని గోరువెచ్చగా అయ్యాక మీ తలకి అప్లై చేయండి. దీని వల్ల జుట్టు తెల్లబడకుండా ఉంటుంది. కరివేపాకు పొడిని కూడా మీరు వాడొచ్చు. దీని వల్ల కూడా తెల్లజుట్టు తగ్గుతుంది.

బ్లాక్ టీ

బ్లాక్ టీలో యాంటీ ఆక్సిడెంట్స్, కెఫిన్స్ ఉంటాయి. ఇవి జుట్టుని నల్లగా చేస్తాయి. తెల్లజుట్టుని తగ్గిస్తాయి. దీనికోసం ఓ స్ట్రాంగ్ బ్లాక్ టీని తయారుచేసి చల్లారనివ్వండి. షాంపూ చేసిన తర్వాత ఈ నీరు పోసి కాసేపు అలానే ఉండండి. తర్వాత క్లీన్ చేసుకోండి.

ఉల్లిరసం

​ఉల్లిపాయ రసంలో ఉత్ప్రేరక ఎంజైమ్స్ ఉంటాయి. ఇవి ఆక్సీకరణ ఒత్తిడి వల్ల వచ్చే తెల్లజుట్టుని తగ్గిస్తాయి. తెల్ల జుట్టుని తగ్గించడంలో ఉల్లిపాయ చాలా బాగా పనిచేస్తుంది. తెల్లజుట్టుకి ఉల్లిపాయ రసాన్ని నేరుగానే రాయండి. తలకి మసాజ్ చేయండి. 30 నిమిషాల పాటు అలానే ఉంచండి. తర్వాత మైల్డ్ షాంపూతో క్లీన్ చేయండి.

హెన్నా

హెన్నా గోరింటాకులతో తయారుచేస్తారు. వీటితో జుట్టుకి రంగు రావడమే కాకుండా జుట్టు లంగా మారుతుంది. మొత్తం జుట్టు ఆరోగ్యం కూడా మెరుగవుతుంది. హెన్నా పౌడర్‌ని ఉపయోగించి తెల్ల జుట్టుని తగ్గించుకోవచ్చు. దీనికోసం హెన్నా పౌడర్‌లో నీరు కలపండి. దీనిని జుట్టుకి రాయండి. అరగంట నుంచి గంటసేపు అలానే ఉంచి తర్వాత షాంపూ చేయండి. ​గమనిక :ఇది సాధారణ సమాచారం కోసం మాత్రమే. ఇది ఏ విధంగానూ ఏ మెడిసిన్ లేదా చికిత్సకు ప్రత్యామ్నాయం కాదు. వీటిని పాటించేముందు మరింత సమాచారం కోసం ఎల్లప్పుడూ మీ వైద్యుడిని సంప్రదించండి. తెలుగు సమయం ఈ విషయాల్ని ధృవీకరించడం లేదు. ఖచ్చితత్వం, ప్రభావానికి తెలుగు సమయం బాధ్యత వహించదు​.​