ఆ కాటుకతో కళ్లకి సమస్యలు రావొచ్చు

​కాటుక కళ్లు ఎంతో అందంగా కనిపిస్తాయి. కలువరేకుల్లాంటి కళ్లకి కాటుక ఎక్స్‌ట్రా బ్యూటీని యాడ్ చేస్తుంది. అందుకే, ఎన్ని మేకప్ ప్రోడక్ట్స్ వచ్చినా కాజల్‌కి ఉండే క్రేజే వేరు. ఎన్ని ప్రోడక్ట్స్ వచ్చినా వీటిని కొనేందుకు ఎక్కువ మంది ఇష్టపడతారు. వందలు, వేలైనా పెట్టి మరీ కొంటారు. అయితే, అవన్నీ కూడా ఎంతో కొంత కెమికల్స్‌తో తయారైనవే ఉంటాయి. అలా కాకుండా మనకి మనంగానే ఇంట్లోనే కాజల్‌ని తయారుచేసుకోవచ్చు. దీంతో చూడ్డానికి ఎంతో అందంగా కనిపించొచ్చు. పైగా కళ్లపై ఎలాంటి ఎఫెక్ట్ పడదు. అదెలానో తెలుసుకోండి.

కావాల్సిన పదార్థాలు

నువ్వుల నూనె లేదా నెయ్యి : 2 టేబుల్ స్పూన్స్

బాదం లేదా బాదం ఆయిల్ : 1 టీ స్పూన్

ఆముదం : 1 టీస్పూన్

చిన్న బౌల్

క్యాండిల్

ఎలా తయారు చేయాలి

కాజల్ తయారుచేసేందుకు మీరు బాదం వాడుతుంటే వాటిని ముందుగా ఓ రాత్రంతా నీటిలో నానబెట్టి సాఫ్ట్‌గా కానివ్వండి. తర్వాతి రోజు పీల్ చేయండి. తర్వాత వీటిని మెత్తగా చేయండి. పేస్టులా చేయండి.

అదే మీరు బాదం నూనె వాడితే సమస్యలేదు.

పదార్థాలను కలపడం

ఓ బౌల్‌లో బాదం పేస్ట్ లేదా బాదం నూనెని వేయండి. అందులోనే కొద్దిగా నువ్వుల నూనే లేదా నెయ్యి వేయండి. వీటన్నింటిని బాగా కలపండి. స్మూత్ టెక్చర్ వచ్చేవరకూ కలపండి. తర్వాత ఇందులోనే ఆముదం కలపాలి.

వేడి చేయడం

ఇప్పుడు బౌల్‌ని క్యాండిల్ లేదా దీపంపై పెట్టి వేడిచేయండి. వేడి అవుతున్నప్పుడు కలుపుతూనే ఉండండి. లేదంటే మొత్తం మాడిపోయే అవకాశం ఉంది. మిక్చర్ మొత్తం థిక్ అండ్ బ్లాక్ అయ్యేవరకూ ఇలానే చేయండి. దీనికోసం 10 నుంచి 15 నిమిషాల టైమ్ పడుతుంది.

కలర్ వచ్చాక

ఈ మిక్స్ మొత్తం అనుకున్న రంగు, టెక్చర్‌లోకి రాగానే మంట నుంచి తీసేసి కాటన్ క్లాత్ లేదా వత్తి తీసుకోండి. దీనిని కాజల్ మిశ్రమంలో ముంచండి. ఇప్పుడు ఉన్న కాస్తా తడి మొత్తం అబ్జార్బ్ చేసుకుంటుంది. దీనిని మీ బొటన వేలు, చూపుడు వేలు మధ్యలో ఉంచి ఎక్స్‌ట్రాగా ఉన్న లిక్విడ్‌ని తీసేయండి.

స్టోర్ చేయడం

ఇప్పుడు ఓ అగ్గిపుల్ల, క్యాండిల్‌ని వెలిగించి నానబెట్టిన క్లాత్, వత్తుని మంట దగ్గరగా పట్టుకోండి. ఇది కాలుతూ పొగ వస్తుంది. మంట ఆర్పేసి పూర్తిగా కాల్చేయండి. దీంతో మొత్తం అది నల్లగా మారుతుంది. దీనినే మీరు కాజల్‌లా వాడుకోవచ్చు. దీనిని ఓ కంటెయినర్‌లో స్టోర్ చేయండి. వాడేటప్పుడు అవసరం అనుకుంటే కొద్దిగా ఆలివ్ ఆయిల్, ఆముదం, బాదం కలిపి పేస్ట్‌లా చేసి దీనిని కాజల్‌లా వాడుకోండి. దీనిని అప్లై చేయడం వల్ల ఎలాంటి సైడ్ ఎఫెక్ట్స్ ఉండవు. పైగా కళ్లకి చాలా మంచిది.