వాడి పారేసే టీ పౌడర్‌తో ఇంట్లోకి చీమలు, దోమలు, పురుగులు రాకుండా చేయోచ్చు

మన ఇంట్లో వాడే ప్రతీ వస్తువుకి కూడా ఒకటి కంటే ఎక్కువ ఉపయోగాలు ఉంటాయి. కొన్ని అయితే వాడిన తర్వాత కూడా మరో విధంగా వాడొచ్చు. అర్థం కాలేదు కదా.. ఒక వస్తువుని వాడిన తర్వాత దానినే మరో పని చేసేందుకు కూడా వాడొచ్చు. అలాంటి వాటిలో టీ పౌడర్ ఒకటి. మనం ఓ సారి టీ పెట్టిన తర్వాత.. దానిని వడకట్టి పారేస్తుంటాం. కానీ, దీనిని అలా పారేయకుండా కొన్ని పనులకి వాడొచ్చు. దీని వల్ల టీ పౌడర్‌ని చివరివరకూ వాడినట్లుగా ఉంటుంది.

ఆల్రెడీ వాడిన టీ పౌడర్‌ని పారేయకుండా మొక్కలకి ఎరువుగా వాడొచ్చు. ఈ పొడిని మొక్కలకి మొదట్లో వేస్తే మొక్కలు చక్కగా పెరుగుతాయి. ముఖ్యంగా, గులాబీ వంటి చెట్లకి చాలా మంచిది. కేవలం పొడిని మాత్రమే కాదు, వీటి ఆకుల్ని కూడా మనం నేలపై చల్లొచ్చు. దీని వల్ల కూడా చెట్లకి చాలా మంచివి.

పెడిక్యూర్

పెడిక్యూర్ చేసినప్పుడు వాడిన టీ పౌడర్‌ని మీ కాళ్లపై వేసి రుద్ది చూడండి. దీంతో ట్యాన్ దూరమవ్వడమే కాకుండా పాదాల నుంచి వాసన కూడా దూరమవుతుంది. అంతేకాదు, మన షూ నుంచి ఒక్కోసారి స్మెల్ వస్తుంటుంది. అలాంటి షూస్‌లో వాడిన టీ బ్యాగ్స్ వేయండి. దీంతో అందులోని వాసన దూరమవుతుంది.

అద్దాలు, కిటికీలు

వాడిన టీ పౌడర్‌లో కొద్దిగా నీరు పోసి మరోసారి డికాషన్‌లా చేయండి. దీనిని స్ప్రే బాటిలో వేసి అద్దాలు, గాజు వస్తువులపై కొద్దికొద్దిగా స్ప్రే చేసి రుద్ది తర్వాత మరోసారి తడి గుడ్డతో క్లీన్ చేయండి. దీంతో వస్తువులన్నీ కొత్తవాటిలో మెరుస్తాయి.

వుడ్ ఫ్లోర్స్, ఫర్నీచర్

చెక్కతో తయారైన ఫ్లోర్ కానీ, ఫర్నీచర్‌ని కూడా క్లీన్ చేయడానికి టీ బాగా హెల్ప్ చేస్తుంది. దీనికోసం ముందుగా మరకలు ఉన్న చోట టీ పౌడర్‌ని వేసి రుద్ది ఆ తర్వాత తడిగుడ్డతో క్లీన్ చేయండి.

ఎయిర్ ఫ్రెషనర్‌గా

కొంతమంది టీ బ్యాగ్స్ వాడుతుంటారు. అలాంటివారు చక్కగా అందులో మనకి నచ్చిన ఎసెన్షియల్ వేసి ఇంట్లో, ఆఫీస్, కార్, వర్క్ ప్లేస్‌లో ఎక్కడైనా వేలాడదీయండి. దీంతో దుర్గంధం దూరమవుతుంది. చక్కని వాసనలు వస్తుంటాయి. కెమికల్ ఉన్న ఎయిర్ ఫ్రెషనర్స్‌ కంటే ఇవి చాలా మంచి స్మెల్ వస్తుంటాయి.

వాసనలు దూరం చేయడానికి

ఈ పొడికి ఇంట్లోని వాసనలు దూరం చేయడానికి వాడొచ్చు. దీనికోసం సింక్‌ ముఖ్యంగా స్టీల్ వంటివి క్లీన్ చేసినప్పుడు సోప్‌తో పాటు క్లీన్ చేయండి. చక్కగా క్లీన్ అవ్వడమే కాకుండా వాసనలు కూడా దూరమవుతాయి.

ఇంట్లోకి దోమలు, పురుగులు రాకుండా

మనం ఎంత క్లీన్ చేసినా ఇంట్లోకి ఈగలు, దోమలు, పురుగులు, చీమలు వస్తుంటాయి. వీటికోసం చాలా మంది మందులు వాడుతుంటారు. అవి రాకుండా ఎన్నో జాగ్రత్తలు తీసుకుంటారు. వాటిని దూరం చేయాలంటే వాడి పారేసే టీ పౌడర్‌లో నీరు వేసి మరిగించి ఆ నీటిని ఇంట్లో స్ప్రే చేయాలి. దీంతో ఇంట్లోకి చీమలు, దోమలు, క్రిమీకీటకాలు రాకుండా ఉండేందుకు హెల్ప్ చేస్తాయి.