కుమార్తె మామగారితో మహిళ ప్రేమాయణం.. డబ్బు, నగలతో పరార్!

ఉత్తర ప్రదేశ్‌లోని బుదౌన్ జిల్లాకు చెందిన 43 ఏళ్ల మమతకు 25 ఏళ్ల క్రితమే ఓ వ్యక్తితో వివాహం జరిగింది. అప్పటి నుంచి అతడు లారీ డ్రైవర్‌గానే పని చేస్తూ వస్తున్నాడు. వీరి అన్యోన్య దాంపత్యానికి ప్రతీకలుగా మమతకు నలుగురు పిల్లలు కూడా పుట్టగా.. ఉన్నంతలోనే హాయిగా జీవిస్తున్నారు. అయితే పెద్ద కుమార్తెకు పెళ్లీడు రాగా రెండేళ్ల క్రితమే ఆమెకు పెళ్లి చేశారు. అత్తింటి వద్ద ఆమె సుఖంగానే ఉంటోంది. అయితే భర్త డ్రైవర్ కావడంతో.. అతడు చాలా రోజుల పాటు ఇంటికి దూరంగా ఉంటున్నాడు.

ఇలా భర్త చాలా రోజులు ఇంట్లో లేకపోవడంతో.. కోరికలు కల్గినప్పుడల్లా తెగ ఇబ్బంది పడిపోయింది మమత. కానీ కుమార్తె పెళ్లి జరగాకా.. ఆమె మామగారు 46 ఏళ్ల శైలేంద్ర మమతపై ఇష్టం చూపించాడు. తరచుగా ఆమెనే చూడడం, చేతులను పట్టుకోవడం వంటివి చేశాడు. మమతకు కూడా అదంతా నచ్చగా.. అతడితో ప్రేమలో పడిపోయింది. వరుసకు సోదరుడు అవుతాడన్న విషయం కూడా మరిచి ఏడాది కాలం నుంచి అతడితో వివాహేతర సంబంధం కొనసాగిస్తోంది. భర్త, పిల్లలు ఇంట్లో లేనప్పుడల్లా శైలేంద్రకు ఫోన్ చేసి ఇంటికి పిలుపించుకునేది. అతడితో ఫుల్లుగా ఎంజాయ్ చేసేది.

అయితే ఇలా చాటుమాటుగా కలుసుకోవడం, శైలేంద్ర కావాలనిపించినప్పుడు ఇంట్లో భర్త, పిల్లలు ఉండడంతో మమత ఇబ్బందిగా భావించింది. ఇక్కడే ఉంటే తమకు కావాల్సినప్పుడల్లా కలవలేమని పారిపోవాలనుకున్నారు. ఎక్కడికైనా వెళ్లిపోయి పెళ్లి చేసుకుని జీవించాలనుకున్నారు. ముందుగానే దీని గురించి చర్చించుకున్న మమత, శైలేంద్ర.. ఏప్రిల్ 11వ తేదీన ఇంటి నుంచి వెళ్లిపోయారు. అయితే మమత ఇంటి నుంచి వెళ్లేటప్పుడు.. ఇంట్లో ఉన్న డబ్బు, నగలను సైతం వెంట తీసుకెళ్లింది. అయితే ఈ విషయం తెలుసుకున్న భర్త తీవ్ర ఆగ్రహానికి గురయ్యాడు. వెంటనే వెళ్లి పోలీసులకు ఫిర్యాదు చేశాడు.

తన భార్య.. వియ్యంకుడు శైలేంద్రతో పారిపోయిందని పోలీసులకు చెప్పాడు. తన భార్య ఏమైపోయినా తనకు సంబంధం లేదని.. కానీ ఆమె వెంట తీసుకెళ్లిన డబ్బు, నగలు మాత్రం ఇప్పించాలని కోరాడు. దీంతో కేసు నమోదు చేసుకున్న పోలీసులు దర్యాప్తు చేస్తున్నారు. మమత, శైలేంద్రలు ఎక్కడున్నారో తెలుసుకునేందుకు విపరీతంగా గాలిస్తున్నారు. మరోవైపు తల్లి తన మామగారితో పారిపోవడంతో.. కుమార్తె కన్నీటి పర్యంతం అవుతోంది. తల్లి వల్ల అత్తింట్లో తన పురవు పోయిందని వాపోతుంది.