మీకు అజీర్తి సమస్య వెంటాడుతోందా....ఇంటి చిట్కా తెలుసుకోండి

మన బాడీలో అతి ముఖ్యమైన వ్యవస్థల్లో పేగు ఆరోగ్యం కూడా ఒకటి. దీనిని అస్సలు నిర్లక్ష్యం చేయొద్దు. ఇమ్యూనిటీ పెరగడం దగ్గర్నుంచీ, మానసిక ఆరోగ్యం వరకూ అన్నీ కూడా మన జీర్ణ వ్యవస్థపైనే ఆధారపడి ఉంటాయి. మనం తినే ఆహారం మన పేగుల్ని ఉత్తేజరిపించి, జీర్ణవ్యవస్థని సరిగా పనిచేసేలా చేస్తాయి. అయితే, కొన్ని కారణాల వల్ల మనం ఏం తీసుకున్నా జీర్ణమవ్వదు. దీంతో గుండెల్లో, ఛాతీలో మంట, అసిడిటీ, గ్యాస్, మలబద్ధకం వంటి సమస్యలు ఎక్కువగా వస్తాయి. వీటన్నింటికి చెక్ పెట్టాలంటే మన డైట్‌లో కొన్ని పదార్థాలను యాడ్ చేయాలి. దాని వల్ల జీర్ణ వ్యవస్థ మెరుగ్గా మారి తిన్న ఆహారమంతా చక్కగా జీర్ణమవుతుంది. దీనికోసం కొన్ని మూలికలు చక్కగా హెల్ప్ చేస్తాయని నిపుణులు సూచిస్తున్నారు. అవేంటంటే

పసుపు

పసుపు మన అందరి ఇళ్లల్లోనూ ఉంటుంది. దీనిని ప్రతిరోజూ ఆహారంలో వాడతారు. పసుపు వాడడం వల్ల వాపు వంటి సమస్యలు తగ్గుతాయి. పేగు ఆరోగ్యాన్ని కాపాడడంలో పసుపు చాలా బాగా పనిచేస్తుంది. ఇందులోని కర్కుమిన్ ఇన్‌ఫ్లమేషన్‌, వాపుని తగ్గిస్తుంది. దీంతో పసుపు జీర్ణ సమస్యల్ని దూరం చేస్తుంది. కాబట్టి, దీనిని రెగ్యులర్‌గా వంటల్లో వాడండి.

సోంపు

హోటల్స్, ఫంక్షన్స్ ఇలా మనం ఎప్పుడైనా భోజనం చేసిన తర్వాత సోంపు ఇవ్వడం గమనించే ఉంటాం. ఎందుకంటే, సోంపులోని గుణాలు భోజనం తర్వాత వచ్చే అసౌకర్యాన్ని తగ్గిస్తాయి. మనం డిన్నర్ చేశాక సోంపు తినడం చాలా మంది ఇష్టపడతారు. కాబట్టి, రెగ్యులర్‌గా తినడం అలవాటు చేసుకోండి.

మునగాకు

మునగ కూడా గట్ హెల్త్‌కి చాలా మంచిది. దీని వల్ల వాపు వంటి సమస్యలు తగ్గుతాయి. గట్ మైక్రోబయోమ్ బ్యాలెన్స్ అవుతుంది. రెగ్యులర్‌గా ఈ మొరింగాను గ్రీన్ స్మూతీలా చేసుకుని తాగితే సమస్య తగ్గుతుంది. మొరింగలో పాలీఫెనాల్స్, ఫ్లేవనాయి్ష్, ఐసోథియాసైనేట్స్ పుష్కలంగా ఉన్నాయి. ఇవి గట్ ఇన్‌ఫ్లమేషన్‌ని తగ్గించి లివర్ హెల్త్‌ని కాపాడి, గట్ బ్యాక్టీరియాని బ్యాలెన్స్ చేస్తుంది. దీనికి సంబంధించి సహజ యాంటో మైక్రోబయాల్స్ శక్తివంతమైన సమ్మేళనాలు మునగాకులో ఉన్నాయి.

దీంతోపాటు

ఎక్కువగా ఫైబర్ తీసుకోవాలి. దీని వల్ల గట్ హెల్త్ బాగుంటుంది. తాజా పండ్లు, కూరగాయలు, హోల్ గ్రెయిన్స్, చిక్కుళ్లు తీసుకోవాలి.

ప్రోబయోటిక్స్ అంటే పెరుగు, కెఫిర్ వంటివి తసీుకుంటే బాడీలో మంచి బ్యాక్టీరియా పెరిగి గట్ మెల్త్ బాగుంటుంది.

నీరు ఎక్కువగా తాగడం. దీని వల్ల కూడా జీర్న సమస్యలు దూరమై మలబద్దకం తగ్గుతుంది.

హై ఫ్యాట్ ఫుడ్స్, స్పైసీ ఫుడ్స్, కెఫిన్, ఆల్కహాల్ వంటివి ఎక్కువగా తీసుకోవద్దు.