తాడిపత్రి వెళ్ళేందుకు పెద్దారెడ్డికి గ్రీన్ సిగ్నల్
Andhra Pradesh Telugu | Suryaa Desk | Published : Fri, May 02, 2025, 12:00 PM
తాడిపత్రి మాజీ ఎమ్మెల్యే కేతిరెడ్డి పెద్దారెడ్డికి హైకోర్టులో ఊరట లభించింది. తాడిపత్రి వెళ్ళేందుకు న్యాయస్థానం అనుమతి ఇచ్చింది. సార్వత్రిక ఎన్నికల్లో తాడిపత్రిలో చెలరేగిన అల్లర్ల నేపథ్యంలో తాడిపత్రికి వెళ్లేందుకు మాజీ ఎమ్మెల్యే కేతిరెడ్డి పెద్దారెడ్డికి పోలీసులు అనుమతి నిరాకరించారు. దీంతో పోలీసులు తనను తాడిపత్రిలోకి వెళ్ళకుండా అడ్డుకుంటున్నారని... జేసీ ప్రభాకర్ రెడ్డి, టీడీపీ కార్యకర్తలు తన ఇంటిపై దాడికి పాల్పడ్డారని పెద్దారెడ్డి హైకోర్టును ఆశ్రయించారు. దీంతో విచారణ జరిపిన న్యాయస్థానం తాడిపత్రి వెళ్ళేందుకు కేతిరెడ్డికి షరతులతో కూడిన అనుమతి ఇచ్చింది.తాడిపత్రికి పదుల సంఖ్యలో వాహనాలతో ర్యాలీగా వెళ్ళొద్దని... కేవలం ఐదు వాహనాల్లో మాత్రమే తాడిపత్రి కి వెళ్ళాలని హైకోర్టు పెద్దారెడ్డికి ఆదేశించింది. అలాగే తాడిపత్రికి వెళ్ళేందుకు కేతిరెడ్డికి తగిన భద్రత కల్పించాలని న్యాయస్థానం ఆదేశించింది. హైకోర్టు ఆదేశాలతో కేతిరెడ్డి పెద్దారెడ్డి జిల్లా ఎస్పీ జగదీష్ను కలిసి ఒకటి, రెండు రోజుల్లో తాడిపత్రి వెళ్ళేందుకు సిద్దమవుతున్నారు. తాజాగా హైకోర్టు తీర్పుతో తాడిపత్రిలో మళ్లీ హైటెన్షన్ వాతావరణం నెలకొంది.
|
|