ఆస్ట్రేలియా ఎన్నికల్లో వింతైన పోకడలు,,,,స్విమ్ సూట్‌లో ఓటింగ్

ఆస్ట్రేలియాలో శనివారం రోజు సార్వత్రిక ఎన్నికలు జరిగాయి. అయితే ఓటింగ్‌లో పాల్గొన్న ప్రజలు వింతైన పోకడలకు పోయారు. ముఖ్యంగా స్విమ్ సూట్స్ వేసుకుని కొందరు, సాసేజ్‌తో మరికొందరు కనిపిస్తూ సందడి చేశారు. అయితే ఓటింగ్ రోజు పాటించాల్సిన డ్రెస్ కోడ్ నిబంధనలు ఏమీ లేకపోయినప్పటికీ.. ప్రజలు ఇలా స్విమ్ సూట్లలో కనిపించడంతో అంతా ఆశ్చర్యం వ్యక్తం చేస్తున్నారు. ముఖ్యంగా అందుకు సంబంధించిన ఫొటోలు నెట్టింట తెగ వైరల్ అవుతుండగా.. అసలు వీళ్లెందుకు ఇలా చేశారని కామెంట్లలో అడుగుతున్నారు. మరి అందుకు గల కారణాలు ఏంటో మనం ఇప్పుడు తెలుసుకుందాం.

ఆస్ట్రేలియాలో శనివారం రోజు సార్వత్రిక ఎన్నికలు జరిగాయి. అయితే ఓటింగ్ జరుగుతున్నప్పుడు పోలింగ్ ప్రాంతాల్లో ఓటర్లకు సాసేజ్ ఇస్తారు. దానిని డెమోక్రసీ సాసేజ్ అని పిలుస్తారు. గ్రిల్ చేసిన సాసేజ్‌ను ఓ బ్రెడ్డు ముక్కలో చుట్టి.. ఆనియన్స్, కెచప్‌తో గార్నిష్ చేస్తారు. అయితే ఓట్లు వేసే వాళ్లందరికీ వీటిని అందించగా.. వారు అక్కడే వీటిని తింటుంటారు. కేవలం ఆస్ట్రేలియాలోనే కాకుండా విదేశాల్లో ఈ పోలింగ్‌లో పాల్గొనే వారికి వాటిని సర్వ్ చేస్తుంటారు. అయితే దేశ వ్యాప్తంగా ఈ డెమోక్రసీ సాసేజ్‌కు మంచి గుర్తింపు ఉంది. కేవలం ఓటర్లు మాత్రమే కాకుండా పర్యటకులు, విదేశీ విద్యార్థులు కూడా వీటిని కొనుగోలు చేసి మరీ తింటుంటారు.

మరోవైపు కొందరు స్విమ్ సూట్లలో ఓటింగ్‌లో పాల్గొని అందరికీ షాక్ ఇచ్చారు. ముఖ్యంగా వారికి సంబంధించిన ఫొటోలను వారే సోషల్ మీడియాలో పెట్టుకోగా నెట్టింట తెగ వైరల్ అయ్యయి. అయితే ఓటింగ్‌లో పాల్గొనే వారంతా స్విమ్ సూట్లలోనే రావాలనే నిబంధన ఏమీ లేకపోయినప్పటికీ.. వీరు ఇలా రావడానికి ఓ పెద్ద కారణమే ఉంది. గతంలో బడ్జీ స్మగ్లర్స్ అనే సంస్థ ఇచ్చిన ఆఫర్ వల్లే వీరంతా స్విమ్ సూట్లు ధరించడానికి కారణం అయింది. ముఖ్యంగా అండర్ వేర్‌లో ఓటు వేస్తూ ఫొటో దిగి, సోషల్ మీడియాలో షేర్ చేస్తే తమ బ్రాండెడ్ స్విమ్ వేర్‌ను ఉచితంగా ఇస్తామని గత ఎన్నికల వేళ ఆ సంస్థ ప్రకటించింది.

అయితే ఈ ఆఫర్‌ను చేజిక్కుచుకునేందుకు అనేక మంది రంగు రంగుల అండర్ వేర్లలో పోలింగ్ కేంద్రాల వద్దకు వెళ్లి ఓటేశారు. ఆ ఫొటోలను హ్యాష్ ట్యాగ్ #Smugglersdecide తో పోస్ట్ చేశారు. అయితే ఈసారి కూడా అనేక మంది దీన్ని ఫాలో అయ్యారు. అలా స్విమ్ సీట్లు, అండర్ వేర్‌లు వేసుకుని ఫొటోలు దిగి సోషల్ మీడియాలో పెట్టారు. ఇలా అవికాస్తా నెట్టింట వైరల్ అయి..నెటిజెన్ల దృష్టిని ఆకర్షించాయి.