ఆఫీసులోకంటే ఆయన క్లబ్బుల్లోనే ఎక్కువ ఉంటారు

డొనాల్డ్ ట్రంప్‌కి వీర విధేయుడు, భారత సంతతికి చెందిన కాష్ పటేల్ (44) అమెరికా అత్యున్నత దర్యాప్తు సంస్థకు డైరెక్టర్‌గా నియమితులైన విషయం అందరికీ తెలిసిందే. అయితే ఈ మధ్య ఈయనపై తరచుగా ఆరోపణలు వస్తున్నాయి. ముఖ్యంగా ఆయన ఆఫీసులోకంటే నైట్ క్లబ్బుల్లోనే ఎక్కువగా కనిపిస్తున్నారని.. బ్యూరోలో ప్రస్తుత వ్యవహారం అంతా గందరగోళం విమర్శలు వస్తున్నాయి. కు అసిస్టెంట్ అసిస్టెంట్ డైరెక్టర్‌గా పని చేసిన ఫ్రాంక్ ఫిగ్లియుజ్జి ఈ సంచలన వ్యాఖ్యలు చేశారు. దీంతో అందరిలోనూ అసలు ఎఫ్బీఐలో ఏం జరుగుందనే ఆసక్తి మొదలైంది. ఆ పూర్తి వివరాలు మీకోసం.

అమెరికాకు చెందిన ఫ్రాంక్ ఫిగ్లియుజ్జి ఓ షోలో మాట్లాడుతూ..ఎఫ్బీఐ డైరెక్టర్ కాష్ పటేల్‌పై సంచలన ఆరోపణలు చేశారు. హూవర్ భవనంలోని ఏడో అంతస్తులో కంటే ఆయన ఎక్కువగా.. నైట్ క్లబ్బుల్లోనే కనిపిస్తున్నారని చెప్పారు. బ్రీఫింగ్‌లు రోజూవారీగా కాకుండా వారానికి రెండు సార్లకు మార్చారని పేర్కొన్నారు. అయితే ఇది వరం, శాపం అని వ్యాఖ్యానించారు. ఎందుకంటే ఆయన అనుభవం లేకుుండా పనులు చేయాలని ప్రయత్నిస్తుంటే.. అవి చెడుకు దారీ తీస్తాయని ఫ్రాంక్ ఫిగ్లియుజ్జి అన్నారు. ఏజెంట్లు పని చేయడానికి కాష్ పటేల్ అనుమతి ఇస్తున్నారని.. అది ఎక్కడికి వెళ్తుందో తెలియదన్నారు.

మరోవైపు వనరుల దుర్వినియోగం, ఏజెన్సీకి చెందిన ప్రైవేట్ జెట్లను ఉపయోగించడంపై కూడా కాష్ పటేల్‌పై దర్యాప్తు నిర్వహించాలని ఇప్పటికే డెమోక్రాట్ల నుంచి పెద్ద ఎత్తున డిమాండ్లు వినిపిస్తున్నాయి. ఇవి మాత్రమే కాకుండా ఈయన ఎఫ్బీఐ డైరెక్టర్ పదవి కోసం గట్టిగానే లాబీయింగ్ చేసినట్లు కూడా గతంలో అంతర్జాతీయ మీడియాలు కథనాలను ప్రచురించాయి. ముఖ్యంగా తన రాజకీయ శత్రువులపై కేసులు పెట్టి ఇబ్బంది పెట్టాలంటే.. కాష్ పటేల్ సరైన వ్యక్తి అని అమెరికా అధ్యక్షుడు డొనాల్డ్ ట్రంప్ భావించినట్లు కూడా రాసుకొచ్చాయి. ఇప్పుడే కాకుండా ట్రంప్ గతంలో కూడా తన వీర విధేయుడు అయిన కాష్ పటేల్‌కు సీఐఏ డైరెక్టర్‌గా నియమించాలని చూశారు.

కానీ అది సాధ్య పడకపోవడంతో ట్రంప్ తన చివరి వారాల్లో ఎఫ్బీఐ డిప్యూటీ డైరెక్టర్‌గా కాష్ పటేల్‌ను నియమించాలని భావించారు. భారతీయ మూలులు ఉన్న కాష్ పటేల్ తొలి నుంచి డొనాల్డ్ ట్రంప్‌నకు పెద్ద విధేయుడు. ఆయన మేక్ అమెరికా గ్రేట్ అగైన్ ఎజెండాను కూడా పూర్తిగా మద్దతు తెలిపారు.