కొత్తిమీర తిని కాడలు,,, వీటితో ఒంట్లోని కొలెస్ట్రాల్‌ని కరిగించేయొచ్చు

​కొత్తిమీరని మనం రోజువారీ వంటల్లో అనేక రకాలుగా వాడతాం. దీని వంటల్లో వేయడం వల్ల తాజా వాసన, రుచి పెరుగుతుంది. కొత్తిమీరని చట్నీ, గార్నిషింగ్‌కి ఎక్కువగా వాడతారు. ఇందులో పాస్ఫరస్, కాల్షియం, మెగ్నీషియం, పొటాషియం, విటమిన్స్ ఎ, బి, సి, కెలు కూడా ఉన్నాయి. అయితే, వీటిని తినే విషయంలో చాలా మంది తప్పు చేస్తారు. అదేంటంటే కొత్తిమీర ఆకుల్ని తింటారు. కాడల్ని పారేస్తారు. కానీ, ఇందులోనే ఎన్నో పోషకాలు ఉంటాయని న్యూట్రిషనిస్ట్ గీతిక బజాజ్ చెబుతున్నారు. వీటి కాడల్ని తీసుకుంటే బాడీలోని కొలెస్ట్రాల్ తగ్గుతుందని సూచిస్తున్నారు. అందుకోసం ఎలా వాడాలంటే

ఏం చేయాలంటే

ముందుగా ఓ గ్లాసు నీటిని మంటపై మరిగించండి. అందులో కొత్తిమీర కాడల్ని కట్ చేసి వేయండి. ఇందులోనే కొద్ది మిరియాల పొడి కలపండి. యాంటీ ఆక్సిడెంట్స్ ఎక్కువ ఉండే ఈ నీటిని ఫిల్టర్ చేసి టీలా తాగండి. దీనిని తాగడం వల్ల ఇమ్యూనిటీ పెరుగుతుంది. జీర్ణక్రియ మెరుగ్గా మారుతుంది. దీంతోపాటు గుండె సమస్యలు కూడా దూరమవుతాయని న్యూట్రిషనిస్ట్ చెబుతున్నారు. ఇంకా చాలానే లాభాలున్నాయి. అవి

న్యూట్రిషనిస్ట్ ఏం చెబుతున్నారంటే

బ్లడ్ షుగర్

కొత్తిమీర కాడల్ని తీసుకోవడం వల్ల రక్తంలో చక్కెర తగ్గుతుంది. కాడలతో కలిపి తీసుకోవడం వల్ల షుగర్ ఉన్నవారికి చాలా మంచిది. రెగ్యులర్‌గా తీసుకుంటే మీకే తేడా కనిపిస్తుంది.

నోటి ఆరోగ్యం

కొంతమందికి నోట్లో పూతలు, మంటగా ఉంటుంది. దీంతో ఆహారం తీసుకోవడం, నీరు తాగడం, మాట్లాడడం కూడా కష్టంగా మారుతుంది. అలాంటి వారు ఈ నీటిని తాగడం లేదా, కొత్తిమీర కాడల్ని నమిలి తినడం వల్ల బాడీలోని సూక్ష్మజీవుల పెరుగుదలకి వ్యతిరేకంగా ఇవి పోరాడి నోటి పూతల్ని తగ్గిస్తాయి.

జీర్ణక్రియ

చాలా మంది నేటి కాలంలో అనేక కారణాల వల్ల జీర్ణ సమస్యలతో గ్యాస్, అసిడిటీ, మలబద్దకం ఇలాంటి అనేక సమస్యలతో బాధపడి వాటిని తగ్గించుకునేందుకు మెడిసిన్స్, సిరప్స్ తీసుకుంటారు. కానీ, వాటి బదులు ఈ టీని తాగడం వల్ల చాలా వరకూ సమస్య తగ్గుతుంది. అంతేకాదు, దీనిని తీసుకోవడం వల్ల ఇమ్యూనిటీ కూడా పెరుగుతుంది. పేగు ఆరోగ్యం మెరుగ్గా మారుతుంది.

ఎముకల ఆరోగ్యం

కొత్తిమీర కాడల్లో కాల్షియం ఎక్కువగా ఉంటుంది. దీనిని తీసుకోవడం వల్ల ఎముకలు బలంగా మారతాయి. రెగ్యులర్‌గా తీసుకోవడం మంచిది. అదే విధంగా, దీనిలోని శోథనిరోధక గుణాలు, యాంటీ ఆక్సిడెంట్స్ బాడీని లోపలి నుండి డీటాక్స్ చేస్తాయి. దీని ఎఫెక్ట్ చర్మంపై కనిపిస్తుంది. దీంతో చర్మం మెరుస్తుంటుంది.