హిస్టరీలోనే మాన్‌స్టర్ టీమ్‌గా ఎస్ఆర్ హెచ్ .. టాప్ 4 హైయెస్ట్ టోటల్ సన్‌రైజర్స్‌వే!

ఐపీఎల్ 2025 స్టార్టింగ్‌లో ఓ మాట వినిపించింది. సన్‌రైజర్స్ హైదరాబాద్ 300 కొడుతుందా? అని. ఐపీఎల్ 2024లో ఆ టీమ్ చూపెట్టిన భయం అలాంటిది. 287 పరుగుల సునామీతో ఐపీఎల్ రికార్డ్స్‌లే కాదు టోటల్ టీ20 రికార్డులన్నీ మడతబెట్టింది. ఐపీఎల్ 2025 ఆరంభంలోనే 286 పరుగులతో బీభత్సం సృష్టించింది. అదే ఊపుతో 277 పరుగులతో సీజన్‌కు ముగింపు పలికింది. ఐపీఎల్‌లో టాప్ 4 హైయెస్ట్ టోటల్స్ అన్నీ సన్‌రైజర్స్‌వే.

ఐపీఎల్ చరిత్రలో సన్‌రైజర్స్ సృష్టించిన పరుగుల సునామీ మరే ఇతర టీమ్‌ కూడా చేయలేకపోయింది. ఒకటి కాదు రెండు కాదు ఏకంగా నాలుగు సార్లు 270కి పైగా పరుగులు నమోదు చేసి రికార్డు సృష్టించింది. ఇదంతా జస్ట్ టూ ఇయర్స్‌లోనే సాధ్యమైంది. పాట్ కమిన్స్ సారథ్య పగ్గాలు చేపట్టిన తర్వాత సన్‌రైజర్స్ హైదరాబాద్ బ్యాటింగ్‌ బీస్ట్ టీమ్‌గా తయారయింది.

ఐపీఎల్ 2024 నుంచి ఐపీఎల్ 2025 వరకు సన్‌రైజర్స్ రికార్డ్ స్కోర్స్‌తో ప్రత్యర్థులకు చెమటలు పట్టించింది. ఐపీఎల్ టాప్ 4 హైయెస్ట్ టోటల్స్ 287, 286, 278, 277 ఇలా అన్నీ సన్‌రైజర్స్ హైదరాబాద్ నమోదు చేసినవే. ఐపీఎల్ 2024లో రాయల్ ఛాలెంజర్స్ బెంగళూరు (ఆర్సీబీ)తో జరిగిన మ్యాచ్‌లో 287/3 పరుగులు చేసి ఐపీఎల్ హైయెస్ట్ టోటల్‌ను నమోదు చేసింది. అప్పటి వరకు ఉన్న రికార్డులు ఈ స్కోర్‌తో చెల్లాచెదురయ్యాయి.

ఐపీఎల్ 2025 సన్‌రైజర్స్ తన ఆరంభ మ్యాచ్‌లో రాజస్థాన్ రాయల్స్‌పై 286 పరుగులు నమోదు చేసింది. ఈ సీజన్ చివరి మ్యాచ్‌లో కోల్‌కతా నైట్ రైడర్స్‌పై 278 పరుగులు బాదింది. ఐపీఎల్ 2024లో ముంబై ఇండియన్స్‌పై 277 పరుగులతో రికార్డు బ్యాటింగ్ నమోదు చేసింది. ఈ నాలుగు మ్యాచ్‌లలో రెండు హోం గ్రౌండ్ ఉప్పల్‌లో ఆడగా.. ఒకటి బెంగళూరు చిన్నస్వామిలో, మరొకటి ఢిల్లీ అరుణ్ జైట్లీ స్టేడియంలో ఆడారు.

ఐపీఎల్ 2025లో సన్‌రైజర్స్ హైదరాబాద్ 14 మ్యాచ్‌లు ఆడి ఆరు విజయాలు సాధించింది. ఐదు మ్యాచ్‌లలో ఓడిపోగా.. మరో మ్యాచ్‌లో ఫలితం తేలలేదు. 13 పాయింట్లతో ఈ జట్టు ఆరో స్థానంలో ఈ సీజన్‌కు ముగింపు పలికింది. గతేడాది ఫైనల్స్‌కు వెళ్లి రన్నరప్‌గా నిలిచిన సన్‌రైజర్స్.. ఈ సారి కనీసం ప్లే ఆఫ్స్‌కు కూడా వెళ్లకుండానే ఎలిమినేట్ అయింది.